الرئيسية
من طرف مؤيد الأمين الأحد مايو 13, 2012 4:59 am. .قصة قصيرة مؤيد الأمين
شمعه تحترق
سكون يملا صالة المكتبة...جلست وانأ أتتطلع في جمع الكتب التي تبعثرت علي الأدراج ممسكا بكتاب أتقلب صفحاته دون اكتراث , فانا لم ادخل من اجل القراء بل لان الحرارة قاتلة بالخارج .
بينما أنا اقلب صفحات كتابي جلست بالقرب مني فتاة تضع نقاب على وجهها؛ منظرا ملفتا للنظر لأني لم أرى منظر كهذا في هذا المكان ؛لا أرى منها سوى حدقات أعينها ادهشنى الأمر كثيرا إلا إنني ادعيت عدم الاكتراث لها حتى لا تنتبه . كان في يدها ديوان شعر لشاعر نزار قباني (ثورة نهد) بقربها دفتر , فتحت صفحاته وكتبت شي. وأنا مازلت أراقبها في فضول وقفت أعدلت من نفسها ثم خرجت تاركه خلفها دفترها فلم استطيع اخفاض عيني من الدفتر , فالتقطه بلهفة رغم إني غير فضولي إلا إني اسرنى الفضول هذه المرة , فوجدته بين يدي أتصفح صفحاته بلهفة . لم أجد شيئا غريب كان دفتر لمادة الدراسات الإسلامية ثم أغلقته لا أعيده مكانه إلا أن انتبهت لكتابته مكتوبة بالقلم الأحمر تطلعت إليها باهتمام.
مكتوب في الأعلى مطلع من قصيدة نزار قباني (لمن صدري أنا يكبر لمن كرزاته دارت ..)ثم مكتوب كترو يسه (قصة قلم حائر) وجدة نفسي أقراء القصة دون أن أبالى بشي
(استيقظت صباحا فوجدت أبى يؤدى في صلاة الصبح كعادته ينهيها بعد طلوع الشمس يجلس بعدها ساعة أخرى تسبيح .
جلست بمقعد بالقرب منه قابلة بصوت مسموع أية قرآنية "إذا المؤدية سئلت بأي ذنب قتلت .." رفع رأسه مختلس النظر مواصلا تسبيحه..دخلت غرفتي وأغلقت خلفي الباب تاركه أبي كما هو , فخلعت الكفن أي الذي الزى يقيدني تتطلعن في جدرانها الملئه بالملصقات الدينية وكأنها مسجد بل المسجد أكثر براح حين أحسها ترسي على حالي العالم لا يدرى معنى الحرية فالحرية هي اختيار السجن والسجان إلا أنا لم أختار السجن ولا السجان ولده ولم أرى وجهه أمي بعد سجن دام لتسعة أشهر ثم سجن أخر في الحياة , وسلطة أب لاتهمه إلا ذاته قيد بثياب أبقضها أخفت جمالي وأنوثتي ومازلت حبيسة أفكار حمقا بالية .
فمالي الوحيد أن أقف أمام المرأة أتتطلع على نفسي أقلد نجمات السينما كم احسد صديقاتي علي أزيائهن, أضع يدي علي خصري , فالمرأة هي الوحيدة التي تستطيع أن تتطلع علي جمالي كم أتوق كأي أنثى إن اسمع إلي عبارات الغزل التي يطلقها الشبان .
لقد كرهه كل شي في هذا العالم الذي تملاه الأوهام والإحزان. إلى متى ابقي في غرفتي المظلمة ابحث عن خيط الأمل المفقود.. إلى متى يأتي فارسي ويكسر باب معتقلي) . وضعت الدفتر وأنا ....أحس لا ادري بماذا .. أحس ..فقط كما تحس أنت ألان.
\26\11\2008م
قصة قصيرة مؤيد الأمين
الزهرة الحمرا
(سبحن من جعل الحقيقه ممكنة) تعودة ان انطق بهذة الجملة قبل النوم.
اغلقت النوافز الزجاجيه بعد ان تتطلعت بضع ثوانى في الافق اتامل السماء وهي مرصعة بالنجوم منظرا يلهم الفنان ليرسم اروع لوحة ؛ اوشاعريسغها في اجمل كلمات .
اقتربت من فراشى , لقد اثقل راسي النعاس .., فسمعت رنين هاتفي يرن بلحاح جعلنى افيق من غمرت النعاس التى اثقلت جسدي .
_ الو من المتحدث ..؟
_ هذة انا
هكذا جاتنى الاجابه على سؤالى ..كانها صاعقه كهرو عاطفيه سرة في جسدى باكمله افاقت عقلى وقلبى ,صوتا لم اسمع لة مثيل ؛جعلنى ابقي لثوانى صامتا وقشعريرة سرت في كل خلية من خلاياي , فاعدت السؤال مرة اخرى , وكان الجواب كما سبقتة اجابة
(هذة انا اردت ان اسمع صوتك قبل انا انام ...واسفة للاعاجك ..) الا انني لم اتركها تكمل .؛ لا لم يكن هناك ازعاج
أردت ان اعرف من هى الا انها تدير الحوار بذكاء تستطيع ان تقودة الي منحدر اخر , اعلقت الهاتف بعد إن وعدتني بأنها ستعيد الاتصل بي مرة أخرى .,وبقيت كل الليل ساهر ومازال صدى صوتها على اذنى واعيد حديثها , واجد نفسى ابتسم لنفسي في نشوة وفرح وانتظر كطفل ينتظر قدوم العيد ليرتدى ثوبه الجديد حتى سمعت اذان الفجر ..مر النهار وانا ماذلت اعيد ماحدث بالامس . وانا في حالة سرحان .
( سبحن من ... ) لم أكملها تطلعت للهاتف كان إحساسي انه سيرن ألان وحقا شرع يرن, فالتقط السماعة الو.. كانت هي ؛ شعرت بفرحة تفيق الوصف , تسألنا ..تحادثنا ..تمادينا ..تواعدنا .. تواعدنا .. , واستمرت الليلي الذي تليها بنفس النسق لم تخلف ميعادها يوم كالشمس...انتظرها كصغير الحمام ..لقد امتلاة حبا بها رغم إني مازلت اجهله من هي ما اسمها , اين تسكن ؟ الا اني اصبح حبى لها كحب الحياة و املي ان الاقيها.
وفي احدى الليالى وعدتنى ان غدا يوم عيد الحب وسوف تلاقينى وسوف ترتدى فستا باللون الوردى وتضع زهرة حمرا على راسها كي استطيع التعرف عليها. لم استطيع ان انام مابقى من الليل حتى جاء الصبح . وقفت امام المراة بضع دقايق ثم هرعت الي االحديقة العامة , ادرى اني ذاخبا قبل موعنا بساعتين تقريبا الا انى لم استطيع البقاء في المنزل .
وجدة كثير من الفتيات الوات يرتدن الفستان الوردى , ويضعن الزهر الاحمر . من منهن تكون مر الزمن بسرعة ولا اعرف من منهن تكون .. ارتعش قلبى خوفا ان لا ألاقيها. ماذال الامل يلثم علي قلبي والخوف ايضا .. حتى مرة بقربي فتاة فنظرة لي وابتعدت هرعت خلفها دون مباليا بالا خرين .
انتظري من فضلك . وقفت الفتاة بعد ان سمعت ندائي لها
_ من سعاد .. كيف حالك ..
_ كما انا .. احيا الدنيا ..كما يجب
انها سعاد ذميلتى في الدراسه كنا عاشقين واجمل عاشين اول من استطاعة ان تاخذ قلبى ..يا اغرب صدفة مرة التاريخ يعيد نفسة اجتمعنا مرة اخرى بعد ان اقطع الا مل في ان نلتقي مرة اخرى . قضيت وقتا طويل معها ثم افترقنا.
جاء المساء قبل الميعاد بوقت اتصلت سعاد كانت مفاجأة قاتلة ليس لانها لم تتصل في ميعادها بل لان الصوت الذى اسعه ليس الصوت الزى اعتدت على سماعة خمست وعشرون يوما..لم استطيع فهم شى وبقيت في حالة دهشة أخلة براسي كيف لم استطع ان اعرف ان كانت هي ام ليست هي ؟؟ اسئلة سحقت عقلي ..وفجاة سمعت رنين الهاتف ..
__ من ..؟؟
__ هذه انا .. انك لم تسطع معرفتى .. وادرى انك استعدت حبك السابق فهنئا لك ...( اغلقت الهاتف
دون تبرير. كيف لم استطع معرفتها..هكذا وانا ماذلت انتظر هاتفي يرن , لكن لم يرن حتي الان ..ولم يتبعثر الأمل .).
23\12\2008م
قصة قصيرة مؤيد الأمين
كرنفال الموت
تجمعت بعض السحب البيضاء في سماء تلك القرية الصغيرة, تبشر بمجي الخريف رغم أنها غير حبلى , وأشجار المانجو تصفق بأوراقها وكأنها تحتفي بالخريف القادم مرصعة بالمانجو المصفرة وكنها أنجم في سماء الصيف تشكل لوحت الحياة .
في تلك القرية الصغيرة ., طفلة صغيرة تطارد فراشة ملونة تدنو منها ثم تعلو . والشمس ترسل خيوط ذهبية دافئة وقفت ألطفلة تلهث , ومازال نظرها معلقا بالفراشة الملونة ؛ تشبك أناملها في يأس مدركة إن ألحاق بالفراشة أمر أشبه بالمستحيل , وهي تلفظ زفرة حرة في فضاء كونها الجميل الملئ بالبراءة الطاهرة وأعينها تطالع الأفق حيث تبحث عن هدف جديد .
ليس لها أمر يشغلها عن اللهو ومطاردة الفراش مثل زهرة يانعة لكنها زهرة تلاحق الفراش., وكأنها تناظرها وتتباهى عليها بجمالها , وكذالك الفراشة ايضاً كأنها تأخذ منها الرحيق.
خرجت الصغيرة كعادتها تلاحق فراشة تسير خلفها بين الحشايش .
وفي زاوية أخرى هناك القائد بسياراته جاء ليفتتح مستشفى الأطفال وخطبة في حقوق الطفل , وكان يلوح بكفة للحشد الضيف ,
إلا أن الصغيرة ليس يهمها سوى الوصول إلى الفراشة , ولم تنتبه لسيارة القائد التي تقترب منها أكثر , فأكثر , وهي تقترب من الفراشة أكثر , وكان الفراشة أرادة تنبيهها فغيرة مسارها من ما جعل الطفلة تمسك بالفراشة .
كان أعين الجميع جاحظة من هول الموقف, والطفلة تسقط تحت سيارة القائد الأعلى ممسكة بيدها الفراشة الرقيقة بحنان خوفا من أن تتأذى , فترخا جسدها النحيف , فطارت الفراشة من بين أناملها بقت تحوم حول وجهها وكأنها توقظها إلا أن الطفلة بقت جثة بلا حراك , فكانت هي شريط الافتتاح الزى يقص بسيارة القائد ...هذا ماحدث , لكن ماذا سيحدث في الخربف القادم .
سفر القمر
الليله وينك يا قمر
انا بى وراك دمعى انهمر
.....دمعي انحدر
راجيك تضويلي المكان
راجيك تديني الامان
تحميني من وجع السفر
***
ياحلم سامي ومشتهى
الليل بدونك بس سهاد
لا جيت ولا فات انتهى
احلامنا من غيرك تكون
اوهام تخادع كلهى
ادمت ياغالي الغياب
والدنيا من غيرك سقر
*** اليله وينك يا قمر
ماكتت مابعرف خداع
عايش حياتك بالوفى
لاكنت ناكر لى الجميل
لامرة اديتني الجفاء
لكن معاك اتغيرت
ايام بقت مامنصفه
انا لسه منتظرك تجي
الليله وينك يا قمر
26\5\2003م
راجيك
راجيك تعالي ومنتظرك
منتظرك ترجعي من تاني
بحسب بى الحسرة غياباتك
يالماليه بحسنك ازماني
***
راجيك تعالي ومستني
مستني تعودي ومتأني
ياريت لوتعرف بالحاصل
ده الشوق وحياتك جنني
يازهره سعيده ومحبوبه
يانجمه بعيده وبتغني
***
يا زاهيه وراسيه واحلى صباح
مستني اشوفك بس وارتاح
شان بيك تتغير احوالي
شان تاني تعود الافراح
ونقول لى الناس عن ريدتنا
بى اللحن الراغي الصداح
***
بلقاكي عوالم مسحوره
يادنيا غريبه ومحظوره
من غيرك تبقى مدينتنا
محزونه وباكيه ومهجوره
راجيك تعالي ومنتظرك
يا اجمل ورده وعصفوره 5\11\2003م
سايباني ليه ؟
سايباني ليه
بعد الغرام لماني بيك
حارماني من لحظة حنان
لاقيها في نظرة عنيك
سكنتي في جواي المّ
بعد الفرح
الكان بخدر بى مجيك
كملت فيك
كل الحروف البعرفه
بعد الحنان الكان زمان
يصبح جفاء
يالكلامك كلو زيف
صبحت حياتي مزيفه
قلبي لسع في رجاك
بى كل جروحو النازفه
راجيك تحكيلو الحصل
ويشوف عينيك متأسفه
يرضاء وسامحك بى صدق
اهوى الليالي ويعذفه
ابسط غناوي الريد ورود
ويترك الاحزان قفى
ماانت ذي شمس الغروب
ترحل تفوت
لكن تعود متلهفه
تحضن صباحات الزهور
ذاهيه وجميله مشرفه
سايباني ليه
بعد القدر
اهداك لي اصطفى
9\2\2005م
انا .. والقمر
انا والقمر اصحاب *** جوانا ريد وعزاب
ناس سافرت رحلت***من غير تقول اسباب
جوانا الف سؤال *** مالقينه ليه جواب
انا واقمر عاشقين *** مالينا شوق وحنين
لى ناس بعاد حلوين*** ليه فينا ماسألين
نحن الدوام نسأل ***لمتين حبيبنا يبين
ونقابلو بى الافراح*** ونشيلو في العنين
بحر الهوى الغدار***مابكتم الاسرار
فرق حبايبنا ...*** ماقدمو الاعزار
وله الفراق مكتوب ***وله الفرح اقدار
مقسوم علينا نعيش*** نتباكى في الازهار
انا والقمر اصحاب *** مابخفي ريدنا سحاب
ده حبيبنا راجنو*** راجين يدق الباب
ونشيلو في عيونا***ونقابلو بىالاحضان
7
\12\2007م
صوت الحنين
مشتهنك عارفه ليه ؟
شان انت من عينيك
تجينل غيوم
تمطر في صحاري الشوق
تهب انسام
تجفف في عرق ملهوف
طواهو الريد
نكون راجين بسيماتك
توزع لينا ضوَّ لى بكره
ننسج من خيطو قصيد
وبى التحديد
نكون واقفين على
باب القوافي ندق
ارد صوت الحنين جواك
واهي بعيد
نعاين لى سواد شعرك
نجيمات للخصل تنساب
ويتراقص معاها غناي
واحلى نشيد
اخط قلم الزمن احرف
اعبر عن فلب مشتاق
وقاسي عنيد
تتوشح سمانا اللوان
وبى تحنان ارد صمتك
بهمس فريد
افّر وتر الفرح جنحى
ارفرف اغني بكره العيد
ياسر احرف الاحزان
تطل لى الدنيا فرحة عيد
صباحه جديد
صباحه سعيد
19\12\2007م
صباحات
الصوت الطالع من صمتك
الخوف الفوقك اتوسد
النهر الساكن اتنهد
لاجابك دربك لاتايهه
الظلم الفوقك اتمرد
هدهد هدهد
مطرك وارعد
الحزن الكامن اتجدد
ايدين الظالم ممدوده
وكفين الفاهم تتقيد
جلبابك مخرومه وباليه
عينين القادر تتوعد
الحلم النادر اتبدد
يايمه صباحك اتمرد
لاشمسك تطلع لاتسالم
لاضرعك خدر لا فرهد
اطفالك تبكي علي الشارع
من حرك تشرب وتتبرد
لاورده تجادل قمريه
لاسمبله تصبح مرويه
ما يد العامل ملويه
اطفالك منك تتشرد
بتنوم ايديها بتتوسد
البحر السولب خيراتك
الطامع لسع في ذاتك
فرد جنياتك ماحدد
....
نحن صباحك راجنو
بس شمسك لس بتتوعد
اصلو صباحك احلى صباح
بكره الالام حاتتبدد
بكره كمان حتتجدد
وتصبح احضانك
لينا بلد..
27\2\2007م
فرحة عيد
مبروك عليك العيد
مبروك علينا لقاك
اسعد قلوبنا فرح
ياسيدي مااحلاك
لمن تجينا تزور
دايماً نحسو هواك
...
مبروك عليك العيد
مبروك علينا لقاك
دايماً اطل نورك
انت القمر في سماك
لون الدهب لونك
مانت احلى ملاك
صوت الكمان صوتك
عطرو الورد اهداك
مين في القلب غيرك
كل القلوب تهواك
تتهادى في سيرك
سير السحابه خطاك
همس النسيم عينيك
زي النجوم في علاك
مبروك عليك العيد
مبروك علينا لقاك
28\12\2007م
محاكمة الهوى
ريدي فيك ماهو الاذيه
اصلي بهواك يابنيه
قلب عاشق وحب صادق
.......وروح وفيه
حب ليك ماهو المشارك
في المهالك والحروب العاليه
ريد نبت جواك وفيه
انزرع جواك وفيني
شتلة مخدره ونديه
ليه تحام الناس غرامنا
وليه غرامنا اصير قضيه
وله دارت الدنيا تاني
وجينا عصر الجاهليه
...في شعر ابن الملوح
في جمال العامريه
تلقي ماسأة كل عاشق
حب طاهر صار ضحيه
حبي ماكن السبب
في انتشار الماركسية
لا الحروب الطائفيه
ليه تدور الدنيا تاني
ولسه فينا اللحان شجيه
ليه تدور اغدارنا بينا
الزمن في لحظه يرجع
للعصور الاوليه
والعقول البربريه
ليه تحاكم الناس غرامنا
وليه غرامنا يصير قضيه
وله دارت الدنيا تاني
وجينا عصر الجاهليه
... الغلط ما فيني فيك
انت حبك فيني ساكن
جوه كامن مهما زاد
الجور عليه
مهما كان الطول المسافة
برضو قلبك بين ايديه
كل ماتتباعد خطانا
تبقى صورتك في عينيه
ليه تحاكم الناس غرامنا
وليه غرامنا يصير قضيه
وله دارت الدنيا تاني
وجينا
عصر
الجاهليه
18\1\2007م
لقياك اغيادي
لا صديتك لا رديتك
لسع حبك فيني انادي
انا بى عشقك بزرع
غابه واروي الوادي
احصد حنك ..واقسم انك
انتي فؤادي
...مابتتغير فيني ملامحك
لابتغير فيك سماحك
انتي احزاني وسبب اسعادي
مافكرة اهاج منك
كيف اتغرب وانت مرادي
انا بتنفس انفاس روحك
وانا بتعزب لحظات روحك
كيف اتناسى الحبك الفيك
وحبك ذادي
لا حاولت اعاند قلبي
وسرت بعيد عنم سكة دربي
قلبي ملاذك وانت بلادي
ريدك فيني بقاع وجداول
مطرا هاطل يروي بوادي
اهدي البحر الطامح موجو
واعزف لحن الريد الشادي
انابهواك لقياك اعيادي
لاصديتك لا رديتك
انا اهديتك كل امجادي
واتيقنت بانك جنه
ولسه عيونك هم اسيادي
22\1\2008م
ميلاد قصيده
ماترددة في لحظه اقوله
وماتلوعت بهاجس خوف
حملتها بذرة وكانت فكره
واتوحمته عليها حروف
شربت من الحبل السري
معاني
مرة من وجداني اماني
كنت بعاني ...شوق اضناني
حلم مكشوف
قبل التاسع شرقت ومرقت
كان الواقع مامعروف
شهق القلم الكان متحسر
ذغرد في الاوراق ملهوف
لفظ الرحم الكان متاجج
قمراً ضاوي وتر معذوف
سميناها الغاليه اماني
هالة ضوًًًَََّ ماغشاها كسوف
كانت في جواها مداين
فرحاً كامن مامألوف
عروسه تباهي النيل البرقص
ورداً يانع مامقطوف
لمه تبين فسطر حروفا
ذي اللماظ بورود محفوف
جات تتحدى البحر الطامح
وتبقي السد متهدو جروف
تبقى مأل الفارق دربو
تبقى طريق بى الخير مرصوف
جات لى الناس تهديها فرح
شان مايبقى الحلم الواعد
تبقى الخرطه
ويصبح درب الريد
معروف
20\2\2008م
سار ه
اتلجم القلم الفصيح
اتمنى يرسم طلعته
احرف غناي اتبعثرت
واتناثرت منروعته
مدهوش كمان النيل هناك
فاكر بقلد مشيته
...
ساره النجوم الضاويه ليل
ساره البتسعد كل زول من بسمته
مجدوله اللوان قوس قزح
ذي السمبله
مزروعه في عذ الشتا
في عيونا
تتلاصف نجوم
تشرق شموس في سكته
تخلق مداين من جمال
منظومه لى حد الكمال
تخلق وصال
مابين قلوبنا وضحكته
كم بنجرح
خاطر القمر
وعيونا في حالة سهر
ونبقى نلتمس العذر
لمن تتطول غيبته
24\1\2008م
عذرك معاك
عذرك معاك لوكان رضك
انك تجور جو ريا ملاك
مسكين قليبي الاصطفاك
محزون اقلد في الهموم
اتنمى في لحظة لقاك
عذرك معاك
سافر وزيد من الالم
مابشفع الغلط الندم
لا بيبني فينا الانهدم
ياسيدي ماكان العشم
كل الحنين يصبح عدم
ذيد في جفاك
عذرك معاك
ماكنت فاكرك يوم تجور
بهواك يابدر البدور
تدي تملي حياتي نور
وتنشر ايامنا السرور
مظني يوم اعشق سواك
عذرك معاك
مستني ترجع تعتذر
وتبرر اسباب السفر
مالبينا اقوى من القدر
تشملني بى عطف وحنين
وافديك بى الروح والعمر
عذرك معاك
ياسيدي قبال تعتذر
12\9 2006م
بستشيرك
بستشيرك
قبل اشيل قلبي واجيلك
قبل ابحر في غرامك
والهوى اعصف شراعي
ابقى تايه في مدارك
وماني دار ك
وين مذارك
لا البحر يوصلني دارك
والهموم توصل تتدارك
وابقى في حبك مشارك
بستشيرك
قبل ماتبدى الحكايه
قبل اصارحك بى هوايه
تبقي لي احرف غنايا
تبقي غايا
ونجم ساطع في سمايا
الهمني احساس الكتابه
يعلم الطفله القرايه
انجرح في لحظه منك
وين افتش عن دوايا
الدم يتساقط مرايا
الشدر مخدر عودو
يبقى محتاج لى سقايا
وبرضو اعرف
انو في قلبك سوايا
بستشيرك
قبل ماغرق في حبك
والعيون تتمنى قربك
فلبي مايخطيهو دربك
وابقى فاكر
انو قلبي ياهو قلبك
انو حزن الدنيا بعدك
تهدهد الحاني وتذغرد
لمه يصدق فينا وعدك
تنهدم جواي اماني
لمه اعرف انو مالك
غيري قلبك
بستشيرك
قولي ردك
قبل تنهار المشاعر وابقى
صدك ياهو ردك
قولي ردك 9\8\2004م
وهم القوافي
متمني .. مستني الفرج
القمره لوكان في السما
وفي الارض
ها ك ياحبل وهم القوافي
المنعرج
شيليها من غلب الغلابه
ومن عرق دقن الدراويش العرج
شيليها اوعك تنحرج
خليها تفرح وتبتهج
قوليها من شعري الحزين
تعدل قوافيه العوج
اسأل عن الفر السرق
رمل الطريق
وداهو وين؟
وعن الغول الشرب
موية البحر وداها وين ؟
من حصان ود النمير
شال السرج
اسأل عن الوطن الصبح منفى
دراويشاً تهج وترج
قوليها اوعك تنحرج
قوليها من شعري الحزين
خليها تفرح وتبتهج
..
قوليها عن اصل القصيد
احكيله عن قصة ملكنا
الساقنا في الاخر عبيد
متعنا بالخوف والالم
شبعنا في الجوع الشديد
فرحنا بى الهم والوهم
كان بيصدق في الكذب
كان بيخلف في الوعيد
شيليها من شعري الحزين
قوليها اوعك تنحرج
خليها تفرح تبتهج
اسأل واما ترجى الجواب
ارويله وريها الحصل
قليها بى لهجة عتاب
كيف الامل في لحظة خاب
ليه بنتفارق صحاب
حتى البحر سوالو باب
الشمس غطاها الضباب
الحرقة صبحت لينا زاد
الفرحه في حالة غياب
الضلمه مسكن لى الضعيف
الخوف سكن في كل باب
الغول شرب موية المطر
كيف نزرع الارض اليباب
اسأل وماترجى الجواب
قول ليها من شعري الحزين
خليها تفرح تبتهج
متمني مستني الفرج
حجيها بى القصص الزمان
قصة جّرب ضنب الجمل
جاري ويجرب كان يطير
يسكن مداين في السحاب
وقصة جراب رجب
اجرف خير البوادي
وفتح شبابيك لى الذئاب
سجن الطيور
حتى الصقير صابر يصاقر
في الغراب
يشرب من المرّ يرتوي
ياكل من الصمت العزاب
قول ليها اوعك تنحرج
شيليها من شعري الحزين
خليها تفرح وتبتهج
مظلومه زينا ياخلق
مجدوعه في نص السماء
يارب اديها الفرح
واهديها من الخير كتير
واديها من نورك وهج
17\6\2008م
مذكرات ادم
كنا برانا
ماف في العالم حد سوانا
كانت حوه تغني تغني
اردد موج النيل الحانا
لا صاروخ في العلم دوّة
لازلزال في مره غِشانا
نبني اطيان وقصور حريه
نسقي زهور من وديانا
لاتفاح من ايدنا مرقنا
لا ابليس لي السي ودانا
لاتخاصمنا لاتباعدنا
والجمعنا حنين جوانا
نسقي الورد محل ماينبت
صوت البلبل ذي أنغام
منظوم الحانا
كنا بنرسم فى المستقبل
فى لوحات زاهيات الوانا
كنا بنحلم وما همانا
كنا نغنى وما همانا
وكان الورد اغنى معانا
ولمن نبعد اترجانا
ومهما نبعد ما بينسانا
ونبحر فى احلامنا الواعدة
فى المستقبل
فى اجيال بالخير تطرانا
الا الصورة انقلبت مره
جبنا عيال للعالم مرقت
سرقت وحرقت كل ملامح كونا
صبرنا صبرنا فتر الصبر الفينا
تبعثر فى تكوينا
سال الدم فى الارض الطاهرة
انياب وذئاب حادات اسنانا
تاكل ذاتة بذات شيطانة
بذات الذات الما انسانة
وين النسمة الكان تنعشنا
وريح الدم فى كل مكانا
***
كانت حوة بتجزم وتقسم
ديل جنيات من روح شيطانة
بدلوا كل ملامح كونا
وصبح العالم فى ذنذانة
وين الغيم الضامى سمانا
وين النسمة الكان تنعشنا
وريح الدم فى كل مكانا
***
بقينا برااانا
ضلمة وكتمة.....حر وسخانة
****
كانت حوة بتسعل وتسأل
فى التاريخ مبنلقى مكانة؟؟؟!!!
التاريخ لي وين ودانا؟؟
صبح العالم بؤرة قسوة
وين الريد الكان جوانا؟؟
علة بليس فى العلم كشر
يوعد بايام جايانا
فيها مرارة العالم كلو
فيها مداين خوف وبلآنا
***
قبل نسافر
حوة تلوح بى ايدينا
أآجنيات الحرب انسوها
ازرعو شدرة قصاد الدانة
لسة الدنيا كبيرة وواسعه
ارسمو فرحة على حيطانة
خلوالنسمة تعود من تانى
اشتلو حب فى كل مكانة
خلو صدوركم واسعه ورحبة
نحن وجعكم جد اضنانا
****
بقينا برانا أمل جوان
انو اضان الناس سامعانا
الاحوال للخير تتعدل
طفلة تشيل فى فى عيونا قصيدة
حروفة مالانا
عبير ذكرانا
ها طيبه
امحسي الدمع البسورب
وبيني الروح الرضية
قنعي التوب استجمي
وحسي بي روحك شويه
تبنى الفرح المكدس
بعثري الهم والاسية
فشى اورام المظنه ....
من مظناتن بريه.....
من خساستن بريه....
نيخى جملك وانزلى
كسري الهودج بتاعك ....
وهملى
ماتَهَملى...
ليه اقولو عليك بغيه
ها ضحكة الروح النقيه
من مظناتن بريه
عشه...
عشه شيلي شمات وجوهن
المعفن بالوشية
....
امسحى الدمع التصبب
قبل غيرنا يشد ويركب
نحن عارفنك رضية
الرسول مظنو يغضب
كنو...
كنو عارف ..
كنو عارف يابنيه
انو اعماقك نديه
وكم نقيه ..وكم...شجيه ....
مهما استباحك اابا لهب
مهما شوه من ملامحك
لسه جواك نبته حيه
يانعه مخدره ونديه
ها نبيه
نحن في دربك سربنا
ماهربنا
مانسيناها الوصيه
خلى في قلبك اكيده
نحن عارفين المكيدة
نحن حاسين الاسيه
.......
مابنفرط في عرضنا
للكلاب الارذقيه
نحن ناسك يابنية
خلى بالك من ظنونك
من مظناتن بريه
.....
امسحي الدمع البسورب
وبينى الروح الرضيه
ماتنسي جملك للهوامل
والصعاليك الرديه ..
خلي في نص السعيه
خلي يشرب من عرقنا
ومن خمور الجاهليه
بكره يتنفس غنانا ....
ويلعن الروح الدنيه
...
انت ماشبه المظنه
وانت ما شبه الوشيه
من مظناتن بريه ...
هااااااااااااااااااااانبيه ؟
27\11\2008م
نهاية ريد
بهواك مافي الريده شئ
بس ردي لي واتحدثي
ورينى ليه رافضه الغرام..
رافضه الكلام...اتونسي
انا قلبي جد اهديتو ليك
خليهو جواك احرسي
اتحسسي...و.اتلمسي
مابين ضلوعك اغرسي
... يارايعه ذي عزب القصيد
ليه من غناي تدسدسي
انا ريدي ليك..
لابنتهي .....لابنمحي ولابتنسي
يبقى مرجع لى الغرام
والليالي بتكتبو
...
تلقيهو مهما تعزبي ,
ارجع سريع لمن عليهو تقربي
بى حنانك حسسي
في جوه جواك احبسي
لحظة صفاك اتنفسي
بى قساوتك وجفوتك ماتجرسي
الحب جنون لمن يكون
لى زول عزيز مابتنسي
الحب مشاوير تتمشي
انا بشكي ليك مر البعاد
بس قلبي لمين يشتكي
يا واسعه..
ياواسعه زي ارض الوطن
باحبي جد اتمسكي
خلي في صدرك دوام
ماتتركي
شان يبوح ليك بلغرام
ماتربكي
بهواك ومافي الريده شي
ليه من هواي بتختشي
وبيناتنا مشوار يتمشي
قلبي ينبض بالحزن
في دواخلك خششي
شان ابقى فرحان منتشي
....يافاهمه
يالفاهمه كل القلتو ليك
ليه من هوايه تبدلي
قلبي الحنون بتبهدلي ؟؟
كسراني شان تتدللي !!!!
متمني يوم لو تعدلي
وانصفني قلبك بالغرام
وبى حروف اشعاري فيك
تتجملي ................
يا وافيه
ياوافيه ذي لغة الكتاب
ليه قاصدة قلبي تعزبى
لاعايزة مره تجربي
لامن هواك تقربي
بهواك بى طول الزمان
فيني تمحي وتكتبي
اشرب مرار حزنك افوت
تتقربي
ارجع اعود تتهربي
يا يانعه ....
يا يانعه زي زهر الربيع
ونداوت الغصن البديع
ليه القى في حبك كدى
القى العزاب
القى الشقى
فاكر عيونك نجمتين
ارجاها بى طول المدى
قايلك زهور ضامي الندى
......
لكن هواي ليك اندثر
كل الكلام القلتو ليك اصبح ثدى
قلبي الكان مدمن جروح
لى بعادك اهتدى
انا كنت جد فاكرك ملاذ
نسمه بتفوح متجدده
عمري مافكرة يوم
انو
النهايه
تكون كدى 11\3\2009م
نغم ....عاشق
ياني نفس النفسو يسكن
جوه في نفسك
ويتنفس مع نفسك
انافس فيك نجم الليل
ويظل ساهر
احسك حس نغم جواي
ادندن بي جمال حنك
مصير مجهول
تايه وما عارف الوصول
في سكه ماجربتها
ذي قصه منسابة ففصول
ماحصل فسرتها
لي وين خطاي مع الزمن
وأحرف غناي بعثرتها
لا قادرا ارجع لا أفوت
ياريت
ياريت خطاي رجعتها
شايل على كتفي الهموم
أقداري ماغيرتها
سافرته في مرمى القدر
وهوادج أرحال العمر
كل الدروب جربتها
صابر على حزني العلي
وأحزان سنين عاصرتها
لاقادر أوصل للامان
لاكان خطاي رتبتها
لوما لأمل ألقى الفرح
وارسم مداين قوس قزح
اناكان خطاي رجعتها
تايه وماعارف الوصول
في سكه ماجربتها
28\6\2008م
(لقد تمت كتابه القصيدة في تخرج طلاب الدفعه 29 كلية الموسيقى والدراما.. وهم يتسالؤن عما يفعلو بعد التخرج.. وهنا يكمن السؤال الصعب؟؟ ماذا افعل .؟
اهديه لزملاء( احمد ادم _ محمد.بلحه _ومهدي.)
غرام.... فا ني
نساني ..... انسانس
قاليه انساني
قاليه حب غيري
وانا كيف احب تاني
قاليه انساني
****
كانت ليالي وهم
عشناها ريد ونغم
فاكر غرامو بدوم
لكني وحداني
قليه انساني
***
ا هديتو كل الريد
سافر وسابني وحيد
ايامي كانت عيد
لكنو جافاني
قاليه انساني
***
عينيهو جارت بي
الياما غالية علي
لمن تغيب عني
تتزايد أحزاني
قاليه انساني
***
نساني انساني
بي شوقو أضناني
هجرني واستنكر
قلبو الكان داني
لابد انساهو..
ما دام هو ناكر الريد
واصبح غرام فاني
نساني .... انساني
14\10\2008م
انا اخترتك
شفتك صدفه وصدفه غريبه
انا اخترتك ليه حبيبه
رغم الحاجز بيني وابينك
انا حسيتك مني قريبه
عايز ابوح بى الشوق القاتل
عشته سنين ايامو عصيبه
برسم صورتك في وجداني
شوفتك منيه ومنيه صعيبه
كم بشرني الشوق بقدومك
وتاكدة بانو قريبه
صدفه غريبه
بديمه بشوفك في احلامي
في اشعاري وهمس كلامي
انادي عليك جواي في ذاتي
اسمع صوتك انت مجيبه
صدفه غريبه
رغم الحاجذ بيني وبينك
انا اخترتك ليه حبيبه
5\11\2008م
ريدك جبر
ريدك مركب في القلب
عنصر محايد في الغرام
خليني في جدول ضرب
دليني لو تحت الجذر
وحداني اعذف في الوتر
متواليه في صد الغرام
منتهيه في مد البصر
منتميه دايماً للخصام
مصفوفه ناس شانك كتر
ريدك يوجع في الضلوع
ضلعي المقوم انكسر
جامع عشانك اغنيات
يا احلى من كل البشر
طارح عيك قلبي الوفي
كل المجاميع ماتفي
واقبل النوم بى الجبر
احصي النجوم الضاويه ليل
متكامله بتشاكو السهر
متوازيا فيني الأغنيات
مافيش تفاضل في القلوب
احسن حسابك بى السطر
في كل زاويه بشوف عينيك
لكن هواي بى النسبه ليك
اصبح صفر
اصلو الفرح قسمه ونصيب
ومقسوم علي طول السهر 5\11\2008م
مسدار
الباب البجيب الريح اوعك تقيف قدامو
معروف البحر ياهو البشيل عوامو
الزول القصير ماتستمع لى كلامو
مساك الدروب يصعب عليهو مرامو
سواي القلوب ماببتهج بى غرامو
ما بفيد الصقير فرفيرو قبل اعدمو
والخيل التزيد بطريبه مابتلى الشكر
يلقى الشكر لجامو
الشوف بى القليب
والزول الكفيف مابشوف مكان اقدامو
حفار الحفر ايلقاها تحت اقدامو
ماتعيب الفقير هاديهو زيد اكرامو
ما الزول الكريم يبقو الملوك خدامو
الجار القريب جود بالمحنه وزورو
شاركو المحن قبال تشاركو سرورو
معروف الزمن غلاب كتير مقالب
المحجوم اكيد كم خش جوه زرايب
ملدوغ الدبيب انشاف حبال في عينو
تبقى دبايب
19\3\2004م
زي ما انا
كم ..كم ..وكم قبلك بكّن
كم واحده قبلك عافِصه
بى رجلي كم من رافِسه
كم واحده متلِك دارسه
وكم واحده ذيك فارسه
فاكراني ممكن اعرِسَه
ما تطيري لي فوق الصحن
من بعدي كم متجرسه
ما اصلي ود بياع كلام
لافبو ضرايب لاذكى
لا قلبي من واحده اشتكى
بى كلمه واحده بدشدشه
اخرب السستم بتاعه واربشه
لو تلقى حيطه تدقشه
لو تلقى عقرب تهبشه
فاكراني ايه؟
اتكلمي.. وله بس متردده
مايغرك المنظر بتاعي وتضحكي
انا دنجوان هذا الزمن
كم من بكن
خلفي وجرن
لامن حفن واتعترن
وادات كمان اتجنن
حتى النجيمات هضلمن
لمن انط بلقى النجوم
اتبرجن
الواحده تشهق شهقتين
لامن اخاف في يوم علي اتلبن
..
فاكراني ايه
اتكلمي
وله بس متردده
وله ماك مصدقه
انا ود كدا..
اسهم هواي في عيونك ممكن اسددة
والنظره فبك اجدده
انا ود مفتح من زمان
جايك ناذل تلبت
جايك عايزك تعرفي
انا بى وصولك بحتفي
انا في عيونك بختفي
هاك من هواي واغرفي
كل القلوب مرضان بى قولة انا
شيلي ريدك واسعفي
لس الامل
ممكن قلوب
لى الريد
تفي
4\1\2007م
سمرة
بساهر اليل مع القمرة
انغم في عيون سمرة
اجادل في رموشه وطن
تضيع احزاني بى المرة
تصابح عيني احلى صباح
بتشفي انين قليبى الناح
اعود كل الحنين الراح
تزول اللامي بى المره
تصافح ايدي ااحلى يدين
اشوفه وقلبي انسره
تعود احلامي من تاني
ارفرف ريدي واللحاني
وقول من تاني وجداني
احبك انت ياسمره
حروف جواي تتغنى
نجوم في الافق تتمنى
تكون عينيك وتتهنى
وبين شفتيك تنشره
وتساهر الليل مع القمرة
7\1\2007م
عرفته السر
... شنو الخلى القمر يرحل
يسافر في مراسي الغيم
لاقادر اسيب غنواك
ولا لي جنتك يوصل
عرفته السر
شنو الخلى البحر يزعل
افيض موجوا
أنادي عليك ويتوسل
يذيع شعري
يقفى في قوافي غناك
ويتعدل
عرفته السر
وكت صوتك سكني وطن
وتاه صوت الغنى البسأل
وكت شمس الأمل شرقت
تعاين ليك وتتأمل
عرفته السر
لأنك انت
مجد الكون
وآخر
من رسول
ينزل
5\6\2005م
طيفك
صحيح طيفك ملاذمني
وصورتك لسه في عيوني
قبل ماتفوتي بشتاق ليك
محل ماتكوني تلقيني
بعيد صوتك اناديني
عبيرك لسه في ايدي
بينفحني ويفرحني
ولا عنك بيغنيني
ولا زيك بيسعدني
صحيح طيفك ملا ذمني
ولا منك بيكفيني ..
ولا منك بيرويني ..
دوام راجيك ومتمنيك
بين ايديك تشيليني
وتضميني....
وتتنهد عيوني بكاك..
قبل عينيك يبكوني
صحيح طيفك ملاذمني
وصورتك لسه في عيوني
11/6/2008
عرض مسرحي
بين نجمتين كانت هناك
كانت هناك بين نجمتين
صدحت ولا وجهه القمر
مرقت
تجرجر في مجرات النجوم
شالت
من ا لشمس الشعاع
هدّت نهيف موج البحر
عكست على مويتو الوميض
كتبت
على رملو التواريخ المعتقة
بى الاسف
نفت البطولات الزمان متوهمه
كسرة يقين الانبياء
هتفت وكت زارنا الخدر
لبست عيون الناس وشاح
في اللا مكان واللازمان
حبست
نفس خيل القصايد
سكتت مع نفسو الحرو ف
رفضت وجود الاآلهه
اتحررت
واختارت الحريه قيد
واتقيدت
في اللاقيود واللا حدود
واللامكان واللا وجود
بين نجمتين كانت هنلك
كانت هناك بين نجمتين
مربوطه بى خيت في السماء
واختارت الحريه قيد
... والعرض لسع مابداء
الصالة مزحومه وضجيج
لس مانفتحت ستاره
لس مكتمله الاناره
ولسه ماوردت اشاره
العيون مترغبه
لس ما تعرفت شخوص المسرحيه
ولسه نور الصاله والع
كانت هناك في كلمتين
في كلمتين كانت هناك
شقت صفوف الحاضرين
هزت اوصال المقاعد
وادت القلب اليقين
جاها اليقين وتيقنت
واتاكدة حريه (ماف)
كل الكلام الكان بيتقال عنها
وهم عقول صابه الفشل
فشلت كتير حتى الفشل ماليهو حل
بين مشهدين كانت هناك
كانت هناك بين مشهدين
لس مانفحت ستاره
لس مكتمله الاناره
اتاكدة انو الحياه
بيبان سجون
والحريه بس في انو تختار السجن
مع انو في الحالتين سجين
ليه الشعارات المطرذه بى الفراغ
والعرض في اخر فصل
كل زول كان ليهو دور
والناس بتتصارع على الدور
(الكبير)
مع انو في الحالتين سوه
من غيروكيف يبقالنا عرض
....
كانت هناك العرض خلص وانهى
مع انو مانفتحت ستاره
ولس مكتمله الاناره
ولس ماوردت اشاره
(الكان مخرج منو ؟؟)
29\8\2009م
بتذكرك
بتذكرك
رغم العناد والابتعاد بتذكرك
في كل مواقيت الصلاء
وفي كل سكه تقربك
لو سبتي أشعاري وغناي
جواك إحساس شوق وريد
حا يجبرك
كيف تنسي قلبي المستكين
الياما رادك وقدرك
بتذكرك
وكت الحروف تنساق نغم
وكت القوافي بتندهك
واهتز لي شوقي القلم
لاتاه غناك لا ودرك
وكت المرايه بتعكسك
قدامه أكون واقف أنا
الصورة تهتز ترتبك
في كل نفس بتنفسو
وفي شوق ماحصلك
لو القدر قدر بعادك وأبعدك
لابد وحتما أوصلك
والقاكي في نص الطريق
سايقنا إحساس مشترك
جد فاكره إني ببيع هواك
أو قلبي ينسى وينكرك
ما انت يا نبض الحنان
جواهو كيفن يجهلك
وبقيتي في مجرى الوريد
ليه الظنون تتملكك
بتزكرك في حاجه عرفتها
وفي كلمه كتبتها
بتزكرك
في لوحه رسمتها
وفي كل عباره نطقتها
بتزكرك
في قصيده نظمتها
وفي دمعه زرفتها
رغماً غنادك بشكرك
رغماً بعادك بشكرك
رغماً عيوني بتسهرك
انا بعزرك
على كل احساس اترسم
انا بشكرك
على كل شوق انساق نغم
انا بشكرك
وين تلقي لى حزنك شريك
مين غيري اصلاً بشبهك
اكتر من الحصا والرمال
انا بشكرك
اكتر من الشنا والجمال
انا بعزرك
من ياتو باب
طلت طلت ظنون
كسرة يقينك ومنيتك
انا بعزرك
مهما الدروب تاهت بعيد
حتما تعود
في سكه لي بتوصلك
كيف ينكسر كاس المودة
وتنكري الشوق والحنين
دى قوافي شعرك تفضحك
وتوضح الشوق الجواك
كيف امسى فيك ويصبحك
قلبي الحنين مابهجرك
عاشك سنين كيف يجهلك
فاكره ممكن ابيع هواك
او مره ينسى وينكرك
مهما الحزن خسف الحنان
الضاوي في جواك سنين
وقفل ابواب اشتهاك
من أي باب أنا بدخلك
كيف تنسي احساس احتواك
وعني دايماً بسالك
ياملهمة شعري افواصل والنقط
ماظن حروفي بتخذلك
ماهي القبيل
طرزت نجوم الليل وشاح
ونذلت عليك تجملك
ماهي القبيل شالت
من الليل السواد
شان من سوادو تكحلك
شالت من الشمس الشعاع
شان من ضياها تدللك
رغم العناد والابتعاد
أنا بعذرك
رغم التوافق والتضاد
انابعزرك
رغم التناغم والحياد
انا بعذرك
رغم الوضوح الفي الفؤاد
انا بعذرك
انا قبلي مايحين التلاقي
وقبل ما اعرف ميعاد
انا بوصلك
من غير وجودك في حداي
بتحسسك
اكتر من الشي الفي جواي
انا بعرفك
ومهما يطول الشوق معاي
بتنفسك
مبكون هواك يوم لى سواي
ماف غيري اصلا بشبهك
لو تنفي ريدك لى غناي
جوه المسام أنا بزرعك
مهما حصدة من الألم
انا بعذرك
بتذكرك لن أحاول أنسى
شان أتذكرك
ليه الخصام
وتشك في الريد النبت جواك وقام
وف القليب البيك هام
مفتكره انو بيكرهك
كيف اكرهه القلب البريد
لو اتخلق جواهو ريد
واتنفس الاحساس قصيد
وفي دواخلو مصورك
مهما البعاد لاذم مدارك
بدركك
ومهما العناد كان اختيارك
بعذرك
جد فاكرة اني ببيع هواك
او قلبي ينسى وينكرك
مانت يانبض الحنان جواهو
كيفن يجهلك
على كل حال انا بشكرك
على أي حال انا بعذ
6\9\2009م
احزان قوس قزح
الله الخلق الجبل العالي
وخلقك
وزاد من طيبك وعندك واللقك
قادر اهون لي نسيانك
زي ماحفرك فيني وزرعك
وزي ماجعلك ملكة شعري
اِبعدك عني وفي اوجاع
العالم يضعك
وعداً مني والله الشاهد
والعنين الفيني تناهد
مهما فاق الاّلم اتذايد
ومهما عصفت ريح الفرقه
شمعت امل اللقياء الزايد
قسماً انسى
انسى القلب الكان مجنونك
اذا ماحنّّ وناوي يعاود
انسى العشق الودر صاحبو
ولسع قايد
وامسح اسمك من اوراق الزكرى
الفي جواي بتعاود
...
الله الخلقك
وذاد من اللقك
اودع فيني يقين الفرقه
وشالك من اعماقي ومرقك
عرفته معاك قانون اللعبه
لاني براي الكاشف ورقك
اتوهمت زمان في ظني
يوم توجتك انت الملكه
لأني قبيل ماعارف قدرك
وهسع قدرك تبقي يتيمه
وكيف المهرب انكان قدرك
انا ساكحته القلم البكتب عنك
انزف ائينمدهوش بى حسنك
ورسمك
....
قادر الله الخلقك وطلقك
اطلق قيد الشعر العبدك
وابدع فيك قوافي وخدعك
الله الخلقك انت براك
والناس متساويه
قادر اهين أّ حلوة عرورك
اهون لي الفرقه الكاويه
...
فاكرك موجه بتروي الظامي
عله لقيتك جافهوخاويه
....
قسماً انسى
انسى اوهام خدعتني
بزيفك
فيها اعانق حسنك وطيفك
اظل عطشان مستني خريفك
تلفحني سموم من حرك وصيفك
قسماً انسى
انسى الشعرالياما اترتب واتمناك
وياما سبتو مداين شوقو وسناك
قسماً انسى
انسى الليل اليك سهرتو
يوم ما قلبك خان وعزرتو
فضلت ااّ سي الليل وقليبي
وكم حاولت النوم وجبرتو
قسماً انسى
بنسى السكه الفيها مشينا
زرعنا غنانا واتمنينا
حصدته معاك الهم واللوعه
زرفت دموع ملتاعه سخينه
...
الله الخلقك انت تجوري
قادر
اجود في حالي وانسى
رغم هواك الساكن لسه
هسه اقول دي نهاية القصه
قصة زول بحاول ينسى
ينسى عيون خداعه بتقسى
ونسى جروح ماطابت لسه
ونسى حروف اتقالت هسه
قسماً انسى ..
وحتماً انسى
مهما طال الليل في روّعو
ونو بقيت لى حزنو المرسى
الله يصبر قلبي الرادك
والله عليم معليهو مدسه
قادر اقلق نومك
وسلب منك راحت البال
قادر اطول يومك وتحسبي
في ساعات الليل الطال
انا ظنيت انو الفرقه البينا
محال
لو اتغير مجرى النيل
ولو اتهدت فينا جبال
....
قسماً انسىملامح وجهك
وكل كلام بيناتنا اتقال
فيك خسارة الشعر الشاع باسمك
وزاد من حسنك
والاهداك من طيبو جمال
....
حتماَ اشيلو قلبي العندك
ويصبح فوق الهوى رحال
لو ازرف دم
واتماسى الهّم
بس
في السكه اليك بتودي
امشيها محال
الله الخلقك
وخلق الناس من طينة حوة
وحوة اتخلقت ضلعه يتيمه
قادر اهوّنْ حزن العشقك
قادر يطين ازيد من وجعك
....
انعل وجع الزمن الحافي
وماشي ورآك
واللعّن حال القلب الفاض
بي هواك
واللعن شيطان الشعر
الشد رحيلو وجاك
...
ضلعة ادم لسع حيه
لسع خصبه لسع طيبه
ماك براك في السما مرفوعه
اللف نجيمه بتعلو سماك
الله الخلقك قمراً ضاوي
قادر يخلقك اللف سواك
ماتتباهي كنير بى حسنك
د شعري انا السواك ملاك
انا الاوجتك جوه الناس
واتمنيت اسكن جواك
وفي جواك ملقيت الضوّ
كتمه وضلمه
د انا السويت الريد شباك
انت خلقتي الكي في قلبي
اخلف ربي علي انساك
الله رحيم بعبادو وخلقو
الله عظيم من نار سواك
الله الخلق الجبل العالي
وخلقك
وزاد من اللقك
أ
اودع فيني يقين الفرقه
وشالك من اعماقي ومرقك
عرفته خلاص قانون العبه
لاني براي الكاشف ورقك
26\8\2009م
ماتفتكر
ماتفتكر بعد الحصل
انا ممكن اتقبل عذر
بعد انجرح خاطر غناي
واتخلل الشوك الزهر
ماتعتزر
على ايه بعد قلبي انشطر
واصبح يقين قربك محال
لو جفت اوراق الشجر
لو عانق النيل النجوم
او ساب مدارتو القمر
ماتعتزر
انا كنت شايلاك امنياتى
اغنياتي ولحّن
مابان في وتر
انا كنت حافظاك في جواي
داخراك لى اخر العمر
ولقيت مصباتك خداع
وسحابه خاويه من المطر
ماظن يحن قلبي ويلين
لوفارق الموج البحر
ماتفتكر بعد الحصل
انا ممكن اتقبل عزر
14\11\2009م
صحوة
بسم الله قول الشعب فاق
من نومو طال عشرين سنه
عرف الحقيقه من الخيال
عرف الفرق بين
الخيار والاختيار
بين التجمّل والجمال
وبين الصدق والاحتيال
لبس العفاف توب النضال
واصبح محال
فيوم امد ايدو الفقر
او يوم تصد صوتو الجبال
بسم الله قول
ليل الكوابيس انتهى
اصبح صباح فجر جديد
صبحاً اكان يوم مشتهى
عدي فات زمن الشتات
عصر الظلام
وزمن الليالي المعتمه
وصبحاً فضح زيف العيون
المعتمه
كسر متاريس
القوافي المبهمه
زاح اللجام البو شفاهو ملجمه
بسم الله قول
فتحت قلوبنا مع الصباح
صبحت دروبنا ممهدة
احذريني
إن عشقتك يا فتاة
أنا ليس من يقف علي باب النساء
يكتب علي جدرانها كلمات شعر
او ثناء
وبعد ذلك رقم هاتفه وميعاد اللقاء
هيا ارحلي
إن شئت ان تبقي ..فابقي
إنما الأمر سواء
احذريني كل حين
حين أهواك سأهواك بلا فعلٍ
بلا لونٍ بلا تكوين
لان القلب قد نسيت مداينه
وقد سرقت خذاينه
هجرت أميرة قصيدتها وماذالت
ضفيرتها علي برواز لوحتها
بلا تلوين
هل تستطيعي ان تعيدي الرشد للقلب الحزين
انا ليس من يهوى النساء
ليقطف من حديقتهن الزهور
وليرتشف من بين شفاههن بعض الرحيق
ويبني بين نهديهن قصور
انت كتربة خصبه
انا ليس من يرمي البزور
انت ليس بنحلة تعلو وخلفها ملاّيّن الذكور
احذريني قبل قلبك يحتويني
اعذريني لست في هذا غرورا
ان ليلي ليس انت
وانت ليس بليلتي
هيا ارحلي ان شئت ان تبقي
فابقي واحدا شتي الأمور
هل رايت الليل يكسوه الظلام
والشمس أخفاها الغمام
هكذا يعني الغرام
قد عشقت اللف مرتًٍ
وقد ذبحت اللف مرتٍ
وقد حرقت واحترقت اللف مرتٍ
وقد نسيتُ اللف عام
ولم يبقي من بين اكوام الرماد
سوا الحطام
وقولي لربِ السلام
اهكذا يعني الغرام ..؟؟
هيا ارحلي
ان شئت ان تبقي فابقي
ليس في الأمرين سأم
انا ليس من يهوى النساء
لأرتوي مر العزاب
أصير مجنوناً وأسرف في الشراب
وسجايري لا تنطقي يسهو خاطري
ويحرق أصبعي بنار الثقاب
فأن المحبة وهم كبير خداع وزيف
ماء سراب
لذا ارحلي فان شئتي ان تبقي فابقي
انا من عليه الذهاب
30\6\2008م
كما الأنبياء
ندهتُ إليك أجاب ألصدي
صددتُ المعاني واعلنت اني
عشقتُ امراه
لقد شاع شعري فهل يشترى
وما معنى عشقي اذا كان عشقي لكل امرأة
وما معنى شعري اذا كان شعري
يروح سدى
احبك دوماً
فهل من ورودٍ تعادي الندى
احبك حباً يفوق الخيال
برؤياكِ يلثم قلبي نجم السماء
فأنت التي خلقتي لشعري
وجئتي كما الأنبياء
صمت ُ كثيراّ
لقد كان صمتي كثير الثناء
ما معنى قولي اذ كان قولي
عليك رثاء
فهل انام؟ !
فهل انام بلا ترداد اسمك تسع وتسعون مرة
وان تبعدي
وياتي الشفاء
هذا محال بحق السماء
لن اكلم صدرك خاطف كل القلوب
ولا شعرك ثاير كل الحروب
اكلم فيك الّه تخفى بعين المهى
لا في عقول خواء
بك ابتدا القصيدة باسمك انت ابدا الصلاء
اسبح باسمك حتى الصباح
فادعوك انت اجيبي النداء
سلمت امري اليك
فاختاري لي اما الحياة واما الرداء
اموت شهيداً بجناتِ قلبك اكون غدا
ولست مبالٍ بنارٍ تكونِِِِِِِِِ ِِ بها
فانت التي من سجدت لها
بكل خشوع وكل هدى
احبك حباً يفوق المدى
احبك حباً يرد الصدى
احبك حباً يعيد الحياة كما المبتدى
7|7|2007م
مسدار
لافف في البلود المولع سوقا
اناضم في الصخور ناس اتلحس طايوقا
شايل في ايديتي حقيبه ماهاميني شي
فايق وضارب روقا
خففت الخطى اوصل مكان حافلاتي
قبل الليل يجي وتتاخر معاهو حياتي
بالصدفه مرت بنيه جميلة
عاصر لشمال متعمد اسدو طريقا
عينيها البحور يالليل سمح تحديقا
شلعت في قلبي نار وفي الحساسي
قايده حريقا
ركبت جنبي نور لحظات صعب تصديقا
سبحان الاله الجابه ليه رفيقا
الناس الفي المقاعد شهقت وجف حلوقا
والعنين تقول طلعت مفارقه حقوقه
درته اقول كلام لكن خزلني لساني
ما اصلو التطفل ذاتو مان\من شاني
أَه كان شفت الجمال اوقامته الممشوقا
زي الصيدة الفي الزرع مطلوقا
اتساْبت من نعس العيون الفوقا
وتخشلعت من الفلجه البين السنون مدقوقا
نستني الدروس معرفتة
الفرق بين البطل والجوقا
اتلعسمت واتصلبت كل اجزاي
بقت محروقا
كان الحواجب ملتقى النيلين
وذي مطراً يضوي بروقا
ملاك جابو الاله والشهد جوة عروقا
النهدين جابل نزلن جناين فوقا
نزلت نزلته وراها
ماخليته تبعد والعيون بارياها
اه من الضمير منو الدرووب فروقا
ده الخلاني اخمج مياه مدفوقا
الناس عني تغمز
ماهاماني زول اللهم اوصل ليها
لو بعدين اموت انشاءالله
اشوف عنيها
ركبت ليها ركشة وعم الحزن بعديها
وفضلت انا ليها ادعي
يا رب من عين الحسود احميها
من برد الشتاء ومن السموم ضاريها
17|11|2006م
اجمل قصيدة
ساره ياجمل قصيدة
ممذوجه بالحب والخواطر
بسمه من شفتيك حلوة
ترجع الفرح المسافر
انت وردة فل جميلة
وكلمة حلوة وخد ساحر
انت زغرودة فرح
تدي لى الناس البشاير
ياحلوة ماتشيلي ابتسامتك
ده الفرح لى قلبي هاجر
انت دنياي بيك بحلم
قلبي ثقرك ليهو اسر
انت ياكل النجيمات البضون
واحلى من كل المناظر
يالله ياشمسي وحياتي
نزلي الطل في الضفاير
غني للقمري البقوقي
وهلى ضي لى شمس باكر
علمي الاطفال تغني
وانثي كل مجروح وساهر
طيبي الجرح البينزف
وابقي لناس المعابر
سارة ياكل النجيمات البضون
واحلى
من كل امناظر
14|5|2006م
تحيه لامي الحبيبه
سلام وتحيه من قلبي
وحوف فواحه تتسطر
سلام ياوالدة اللف سلام
ومشتاقين ,, وبى الاكتر
سلام يا فرحة الايام
سلام غناهو اللف وتر
سلام بالكوم بريح المسك
والعنبر
كل احلامي اني اجيك
وفي احضانك اتحكر
وتدعي ليه متنضر
ولا دربك تشيبو حفر
ولا تتلام ولا بالعتبه تتعفر
انا ازازيت بعيد عنك
اباصر في الدروب واحلم
ودايماً حلمي فيك اكبر
بدور اوصل
اعاهد نفسي بى ارضاك
لا عن طلبك اتاخر
اذا كان انجوم هى رضاك
اكيد لسماها حاوصل
ولاعنك بخل قلمي
وانت من الحروف اكبر
اذافضلت العمر اكتب
حروف فواحه بى محياك
وعن وصف الجما الفيك
اكيد يا امي ما بقدر
سلام يا امي الف سلام
سلام ياجنت الكوثر
سلام وزهور عطور ورود
وعود صندل
سلام سلام
سلام
27|3|2006م
امراة كاذبه
تناديني ... وتهمس لي
على أذني
تقابلني ... تغازلني
اذ اقبلت علي شي تجاريني
لقد قالت وقد كذبت بما قالت
تقول انها انثى
ولارجلاً سواي انا
له أأالت
هي امراةً اميرة في انوثته
شمعه تحترق
سكون يملا صالة المكتبة...جلست وانأ أتتطلع في جمع الكتب التي تبعثرت علي الأدراج ممسكا بكتاب أتقلب صفحاته دون اكتراث , فانا لم ادخل من اجل القراء بل لان الحرارة قاتلة بالخارج .
بينما أنا اقلب صفحات كتابي جلست بالقرب مني فتاة تضع نقاب على وجهها؛ منظرا ملفتا للنظر لأني لم أرى منظر كهذا في هذا المكان ؛لا أرى منها سوى حدقات أعينها ادهشنى الأمر كثيرا إلا إنني ادعيت عدم الاكتراث لها حتى لا تنتبه . كان في يدها ديوان شعر لشاعر نزار قباني (ثورة نهد) بقربها دفتر , فتحت صفحاته وكتبت شي. وأنا مازلت أراقبها في فضول وقفت أعدلت من نفسها ثم خرجت تاركه خلفها دفترها فلم استطيع اخفاض عيني من الدفتر , فالتقطه بلهفة رغم إني غير فضولي إلا إني اسرنى الفضول هذه المرة , فوجدته بين يدي أتصفح صفحاته بلهفة . لم أجد شيئا غريب كان دفتر لمادة الدراسات الإسلامية ثم أغلقته لا أعيده مكانه إلا أن انتبهت لكتابته مكتوبة بالقلم الأحمر تطلعت إليها باهتمام.
مكتوب في الأعلى مطلع من قصيدة نزار قباني (لمن صدري أنا يكبر لمن كرزاته دارت ..)ثم مكتوب كترو يسه (قصة قلم حائر) وجدة نفسي أقراء القصة دون أن أبالى بشي
(استيقظت صباحا فوجدت أبى يؤدى في صلاة الصبح كعادته ينهيها بعد طلوع الشمس يجلس بعدها ساعة أخرى تسبيح .
جلست بمقعد بالقرب منه قابلة بصوت مسموع أية قرآنية "إذا المؤدية سئلت بأي ذنب قتلت .." رفع رأسه مختلس النظر مواصلا تسبيحه..دخلت غرفتي وأغلقت خلفي الباب تاركه أبي كما هو , فخلعت الكفن أي الذي الزى يقيدني تتطلعن في جدرانها الملئه بالملصقات الدينية وكأنها مسجد بل المسجد أكثر براح حين أحسها ترسي على حالي العالم لا يدرى معنى الحرية فالحرية هي اختيار السجن والسجان إلا أنا لم أختار السجن ولا السجان ولده ولم أرى وجهه أمي بعد سجن دام لتسعة أشهر ثم سجن أخر في الحياة , وسلطة أب لاتهمه إلا ذاته قيد بثياب أبقضها أخفت جمالي وأنوثتي ومازلت حبيسة أفكار حمقا بالية .
فمالي الوحيد أن أقف أمام المرأة أتتطلع على نفسي أقلد نجمات السينما كم احسد صديقاتي علي أزيائهن, أضع يدي علي خصري , فالمرأة هي الوحيدة التي تستطيع أن تتطلع علي جمالي كم أتوق كأي أنثى إن اسمع إلي عبارات الغزل التي يطلقها الشبان .
لقد كرهه كل شي في هذا العالم الذي تملاه الأوهام والإحزان. إلى متى ابقي في غرفتي المظلمة ابحث عن خيط الأمل المفقود.. إلى متى يأتي فارسي ويكسر باب معتقلي) . وضعت الدفتر وأنا ....أحس لا ادري بماذا .. أحس ..فقط كما تحس أنت ألان.
\26\11\2008م
قصة قصيرة مؤيد الأمين
الزهرة الحمرا
(سبحن من جعل الحقيقه ممكنة) تعودة ان انطق بهذة الجملة قبل النوم.
اغلقت النوافز الزجاجيه بعد ان تتطلعت بضع ثوانى في الافق اتامل السماء وهي مرصعة بالنجوم منظرا يلهم الفنان ليرسم اروع لوحة ؛ اوشاعريسغها في اجمل كلمات .
اقتربت من فراشى , لقد اثقل راسي النعاس .., فسمعت رنين هاتفي يرن بلحاح جعلنى افيق من غمرت النعاس التى اثقلت جسدي .
_ الو من المتحدث ..؟
_ هذة انا
هكذا جاتنى الاجابه على سؤالى ..كانها صاعقه كهرو عاطفيه سرة في جسدى باكمله افاقت عقلى وقلبى ,صوتا لم اسمع لة مثيل ؛جعلنى ابقي لثوانى صامتا وقشعريرة سرت في كل خلية من خلاياي , فاعدت السؤال مرة اخرى , وكان الجواب كما سبقتة اجابة
(هذة انا اردت ان اسمع صوتك قبل انا انام ...واسفة للاعاجك ..) الا انني لم اتركها تكمل .؛ لا لم يكن هناك ازعاج
أردت ان اعرف من هى الا انها تدير الحوار بذكاء تستطيع ان تقودة الي منحدر اخر , اعلقت الهاتف بعد إن وعدتني بأنها ستعيد الاتصل بي مرة أخرى .,وبقيت كل الليل ساهر ومازال صدى صوتها على اذنى واعيد حديثها , واجد نفسى ابتسم لنفسي في نشوة وفرح وانتظر كطفل ينتظر قدوم العيد ليرتدى ثوبه الجديد حتى سمعت اذان الفجر ..مر النهار وانا ماذلت اعيد ماحدث بالامس . وانا في حالة سرحان .
( سبحن من ... ) لم أكملها تطلعت للهاتف كان إحساسي انه سيرن ألان وحقا شرع يرن, فالتقط السماعة الو.. كانت هي ؛ شعرت بفرحة تفيق الوصف , تسألنا ..تحادثنا ..تمادينا ..تواعدنا .. تواعدنا .. , واستمرت الليلي الذي تليها بنفس النسق لم تخلف ميعادها يوم كالشمس...انتظرها كصغير الحمام ..لقد امتلاة حبا بها رغم إني مازلت اجهله من هي ما اسمها , اين تسكن ؟ الا اني اصبح حبى لها كحب الحياة و املي ان الاقيها.
وفي احدى الليالى وعدتنى ان غدا يوم عيد الحب وسوف تلاقينى وسوف ترتدى فستا باللون الوردى وتضع زهرة حمرا على راسها كي استطيع التعرف عليها. لم استطيع ان انام مابقى من الليل حتى جاء الصبح . وقفت امام المراة بضع دقايق ثم هرعت الي االحديقة العامة , ادرى اني ذاخبا قبل موعنا بساعتين تقريبا الا انى لم استطيع البقاء في المنزل .
وجدة كثير من الفتيات الوات يرتدن الفستان الوردى , ويضعن الزهر الاحمر . من منهن تكون مر الزمن بسرعة ولا اعرف من منهن تكون .. ارتعش قلبى خوفا ان لا ألاقيها. ماذال الامل يلثم علي قلبي والخوف ايضا .. حتى مرة بقربي فتاة فنظرة لي وابتعدت هرعت خلفها دون مباليا بالا خرين .
انتظري من فضلك . وقفت الفتاة بعد ان سمعت ندائي لها
_ من سعاد .. كيف حالك ..
_ كما انا .. احيا الدنيا ..كما يجب
انها سعاد ذميلتى في الدراسه كنا عاشقين واجمل عاشين اول من استطاعة ان تاخذ قلبى ..يا اغرب صدفة مرة التاريخ يعيد نفسة اجتمعنا مرة اخرى بعد ان اقطع الا مل في ان نلتقي مرة اخرى . قضيت وقتا طويل معها ثم افترقنا.
جاء المساء قبل الميعاد بوقت اتصلت سعاد كانت مفاجأة قاتلة ليس لانها لم تتصل في ميعادها بل لان الصوت الذى اسعه ليس الصوت الزى اعتدت على سماعة خمست وعشرون يوما..لم استطيع فهم شى وبقيت في حالة دهشة أخلة براسي كيف لم استطع ان اعرف ان كانت هي ام ليست هي ؟؟ اسئلة سحقت عقلي ..وفجاة سمعت رنين الهاتف ..
__ من ..؟؟
__ هذه انا .. انك لم تسطع معرفتى .. وادرى انك استعدت حبك السابق فهنئا لك ...( اغلقت الهاتف
دون تبرير. كيف لم استطع معرفتها..هكذا وانا ماذلت انتظر هاتفي يرن , لكن لم يرن حتي الان ..ولم يتبعثر الأمل .).
23\12\2008م
قصة قصيرة مؤيد الأمين
كرنفال الموت
تجمعت بعض السحب البيضاء في سماء تلك القرية الصغيرة, تبشر بمجي الخريف رغم أنها غير حبلى , وأشجار المانجو تصفق بأوراقها وكأنها تحتفي بالخريف القادم مرصعة بالمانجو المصفرة وكنها أنجم في سماء الصيف تشكل لوحت الحياة .
في تلك القرية الصغيرة ., طفلة صغيرة تطارد فراشة ملونة تدنو منها ثم تعلو . والشمس ترسل خيوط ذهبية دافئة وقفت ألطفلة تلهث , ومازال نظرها معلقا بالفراشة الملونة ؛ تشبك أناملها في يأس مدركة إن ألحاق بالفراشة أمر أشبه بالمستحيل , وهي تلفظ زفرة حرة في فضاء كونها الجميل الملئ بالبراءة الطاهرة وأعينها تطالع الأفق حيث تبحث عن هدف جديد .
ليس لها أمر يشغلها عن اللهو ومطاردة الفراش مثل زهرة يانعة لكنها زهرة تلاحق الفراش., وكأنها تناظرها وتتباهى عليها بجمالها , وكذالك الفراشة ايضاً كأنها تأخذ منها الرحيق.
خرجت الصغيرة كعادتها تلاحق فراشة تسير خلفها بين الحشايش .
وفي زاوية أخرى هناك القائد بسياراته جاء ليفتتح مستشفى الأطفال وخطبة في حقوق الطفل , وكان يلوح بكفة للحشد الضيف ,
إلا أن الصغيرة ليس يهمها سوى الوصول إلى الفراشة , ولم تنتبه لسيارة القائد التي تقترب منها أكثر , فأكثر , وهي تقترب من الفراشة أكثر , وكان الفراشة أرادة تنبيهها فغيرة مسارها من ما جعل الطفلة تمسك بالفراشة .
كان أعين الجميع جاحظة من هول الموقف, والطفلة تسقط تحت سيارة القائد الأعلى ممسكة بيدها الفراشة الرقيقة بحنان خوفا من أن تتأذى , فترخا جسدها النحيف , فطارت الفراشة من بين أناملها بقت تحوم حول وجهها وكأنها توقظها إلا أن الطفلة بقت جثة بلا حراك , فكانت هي شريط الافتتاح الزى يقص بسيارة القائد ...هذا ماحدث , لكن ماذا سيحدث في الخربف القادم .
سفر القمر
الليله وينك يا قمر
انا بى وراك دمعى انهمر
.....دمعي انحدر
راجيك تضويلي المكان
راجيك تديني الامان
تحميني من وجع السفر
***
ياحلم سامي ومشتهى
الليل بدونك بس سهاد
لا جيت ولا فات انتهى
احلامنا من غيرك تكون
اوهام تخادع كلهى
ادمت ياغالي الغياب
والدنيا من غيرك سقر
*** اليله وينك يا قمر
ماكتت مابعرف خداع
عايش حياتك بالوفى
لاكنت ناكر لى الجميل
لامرة اديتني الجفاء
لكن معاك اتغيرت
ايام بقت مامنصفه
انا لسه منتظرك تجي
الليله وينك يا قمر
26\5\2003م
راجيك
راجيك تعالي ومنتظرك
منتظرك ترجعي من تاني
بحسب بى الحسرة غياباتك
يالماليه بحسنك ازماني
***
راجيك تعالي ومستني
مستني تعودي ومتأني
ياريت لوتعرف بالحاصل
ده الشوق وحياتك جنني
يازهره سعيده ومحبوبه
يانجمه بعيده وبتغني
***
يا زاهيه وراسيه واحلى صباح
مستني اشوفك بس وارتاح
شان بيك تتغير احوالي
شان تاني تعود الافراح
ونقول لى الناس عن ريدتنا
بى اللحن الراغي الصداح
***
بلقاكي عوالم مسحوره
يادنيا غريبه ومحظوره
من غيرك تبقى مدينتنا
محزونه وباكيه ومهجوره
راجيك تعالي ومنتظرك
يا اجمل ورده وعصفوره 5\11\2003م
سايباني ليه ؟
سايباني ليه
بعد الغرام لماني بيك
حارماني من لحظة حنان
لاقيها في نظرة عنيك
سكنتي في جواي المّ
بعد الفرح
الكان بخدر بى مجيك
كملت فيك
كل الحروف البعرفه
بعد الحنان الكان زمان
يصبح جفاء
يالكلامك كلو زيف
صبحت حياتي مزيفه
قلبي لسع في رجاك
بى كل جروحو النازفه
راجيك تحكيلو الحصل
ويشوف عينيك متأسفه
يرضاء وسامحك بى صدق
اهوى الليالي ويعذفه
ابسط غناوي الريد ورود
ويترك الاحزان قفى
ماانت ذي شمس الغروب
ترحل تفوت
لكن تعود متلهفه
تحضن صباحات الزهور
ذاهيه وجميله مشرفه
سايباني ليه
بعد القدر
اهداك لي اصطفى
9\2\2005م
انا .. والقمر
انا والقمر اصحاب *** جوانا ريد وعزاب
ناس سافرت رحلت***من غير تقول اسباب
جوانا الف سؤال *** مالقينه ليه جواب
انا واقمر عاشقين *** مالينا شوق وحنين
لى ناس بعاد حلوين*** ليه فينا ماسألين
نحن الدوام نسأل ***لمتين حبيبنا يبين
ونقابلو بى الافراح*** ونشيلو في العنين
بحر الهوى الغدار***مابكتم الاسرار
فرق حبايبنا ...*** ماقدمو الاعزار
وله الفراق مكتوب ***وله الفرح اقدار
مقسوم علينا نعيش*** نتباكى في الازهار
انا والقمر اصحاب *** مابخفي ريدنا سحاب
ده حبيبنا راجنو*** راجين يدق الباب
ونشيلو في عيونا***ونقابلو بىالاحضان
7
\12\2007م
صوت الحنين
مشتهنك عارفه ليه ؟
شان انت من عينيك
تجينل غيوم
تمطر في صحاري الشوق
تهب انسام
تجفف في عرق ملهوف
طواهو الريد
نكون راجين بسيماتك
توزع لينا ضوَّ لى بكره
ننسج من خيطو قصيد
وبى التحديد
نكون واقفين على
باب القوافي ندق
ارد صوت الحنين جواك
واهي بعيد
نعاين لى سواد شعرك
نجيمات للخصل تنساب
ويتراقص معاها غناي
واحلى نشيد
اخط قلم الزمن احرف
اعبر عن فلب مشتاق
وقاسي عنيد
تتوشح سمانا اللوان
وبى تحنان ارد صمتك
بهمس فريد
افّر وتر الفرح جنحى
ارفرف اغني بكره العيد
ياسر احرف الاحزان
تطل لى الدنيا فرحة عيد
صباحه جديد
صباحه سعيد
19\12\2007م
صباحات
الصوت الطالع من صمتك
الخوف الفوقك اتوسد
النهر الساكن اتنهد
لاجابك دربك لاتايهه
الظلم الفوقك اتمرد
هدهد هدهد
مطرك وارعد
الحزن الكامن اتجدد
ايدين الظالم ممدوده
وكفين الفاهم تتقيد
جلبابك مخرومه وباليه
عينين القادر تتوعد
الحلم النادر اتبدد
يايمه صباحك اتمرد
لاشمسك تطلع لاتسالم
لاضرعك خدر لا فرهد
اطفالك تبكي علي الشارع
من حرك تشرب وتتبرد
لاورده تجادل قمريه
لاسمبله تصبح مرويه
ما يد العامل ملويه
اطفالك منك تتشرد
بتنوم ايديها بتتوسد
البحر السولب خيراتك
الطامع لسع في ذاتك
فرد جنياتك ماحدد
....
نحن صباحك راجنو
بس شمسك لس بتتوعد
اصلو صباحك احلى صباح
بكره الالام حاتتبدد
بكره كمان حتتجدد
وتصبح احضانك
لينا بلد..
27\2\2007م
فرحة عيد
مبروك عليك العيد
مبروك علينا لقاك
اسعد قلوبنا فرح
ياسيدي مااحلاك
لمن تجينا تزور
دايماً نحسو هواك
...
مبروك عليك العيد
مبروك علينا لقاك
دايماً اطل نورك
انت القمر في سماك
لون الدهب لونك
مانت احلى ملاك
صوت الكمان صوتك
عطرو الورد اهداك
مين في القلب غيرك
كل القلوب تهواك
تتهادى في سيرك
سير السحابه خطاك
همس النسيم عينيك
زي النجوم في علاك
مبروك عليك العيد
مبروك علينا لقاك
28\12\2007م
محاكمة الهوى
ريدي فيك ماهو الاذيه
اصلي بهواك يابنيه
قلب عاشق وحب صادق
.......وروح وفيه
حب ليك ماهو المشارك
في المهالك والحروب العاليه
ريد نبت جواك وفيه
انزرع جواك وفيني
شتلة مخدره ونديه
ليه تحام الناس غرامنا
وليه غرامنا اصير قضيه
وله دارت الدنيا تاني
وجينا عصر الجاهليه
...في شعر ابن الملوح
في جمال العامريه
تلقي ماسأة كل عاشق
حب طاهر صار ضحيه
حبي ماكن السبب
في انتشار الماركسية
لا الحروب الطائفيه
ليه تدور الدنيا تاني
ولسه فينا اللحان شجيه
ليه تدور اغدارنا بينا
الزمن في لحظه يرجع
للعصور الاوليه
والعقول البربريه
ليه تحاكم الناس غرامنا
وليه غرامنا يصير قضيه
وله دارت الدنيا تاني
وجينا عصر الجاهليه
... الغلط ما فيني فيك
انت حبك فيني ساكن
جوه كامن مهما زاد
الجور عليه
مهما كان الطول المسافة
برضو قلبك بين ايديه
كل ماتتباعد خطانا
تبقى صورتك في عينيه
ليه تحاكم الناس غرامنا
وليه غرامنا يصير قضيه
وله دارت الدنيا تاني
وجينا
عصر
الجاهليه
18\1\2007م
لقياك اغيادي
لا صديتك لا رديتك
لسع حبك فيني انادي
انا بى عشقك بزرع
غابه واروي الوادي
احصد حنك ..واقسم انك
انتي فؤادي
...مابتتغير فيني ملامحك
لابتغير فيك سماحك
انتي احزاني وسبب اسعادي
مافكرة اهاج منك
كيف اتغرب وانت مرادي
انا بتنفس انفاس روحك
وانا بتعزب لحظات روحك
كيف اتناسى الحبك الفيك
وحبك ذادي
لا حاولت اعاند قلبي
وسرت بعيد عنم سكة دربي
قلبي ملاذك وانت بلادي
ريدك فيني بقاع وجداول
مطرا هاطل يروي بوادي
اهدي البحر الطامح موجو
واعزف لحن الريد الشادي
انابهواك لقياك اعيادي
لاصديتك لا رديتك
انا اهديتك كل امجادي
واتيقنت بانك جنه
ولسه عيونك هم اسيادي
22\1\2008م
ميلاد قصيده
ماترددة في لحظه اقوله
وماتلوعت بهاجس خوف
حملتها بذرة وكانت فكره
واتوحمته عليها حروف
شربت من الحبل السري
معاني
مرة من وجداني اماني
كنت بعاني ...شوق اضناني
حلم مكشوف
قبل التاسع شرقت ومرقت
كان الواقع مامعروف
شهق القلم الكان متحسر
ذغرد في الاوراق ملهوف
لفظ الرحم الكان متاجج
قمراً ضاوي وتر معذوف
سميناها الغاليه اماني
هالة ضوًًًَََّ ماغشاها كسوف
كانت في جواها مداين
فرحاً كامن مامألوف
عروسه تباهي النيل البرقص
ورداً يانع مامقطوف
لمه تبين فسطر حروفا
ذي اللماظ بورود محفوف
جات تتحدى البحر الطامح
وتبقي السد متهدو جروف
تبقى مأل الفارق دربو
تبقى طريق بى الخير مرصوف
جات لى الناس تهديها فرح
شان مايبقى الحلم الواعد
تبقى الخرطه
ويصبح درب الريد
معروف
20\2\2008م
سار ه
اتلجم القلم الفصيح
اتمنى يرسم طلعته
احرف غناي اتبعثرت
واتناثرت منروعته
مدهوش كمان النيل هناك
فاكر بقلد مشيته
...
ساره النجوم الضاويه ليل
ساره البتسعد كل زول من بسمته
مجدوله اللوان قوس قزح
ذي السمبله
مزروعه في عذ الشتا
في عيونا
تتلاصف نجوم
تشرق شموس في سكته
تخلق مداين من جمال
منظومه لى حد الكمال
تخلق وصال
مابين قلوبنا وضحكته
كم بنجرح
خاطر القمر
وعيونا في حالة سهر
ونبقى نلتمس العذر
لمن تتطول غيبته
24\1\2008م
عذرك معاك
عذرك معاك لوكان رضك
انك تجور جو ريا ملاك
مسكين قليبي الاصطفاك
محزون اقلد في الهموم
اتنمى في لحظة لقاك
عذرك معاك
سافر وزيد من الالم
مابشفع الغلط الندم
لا بيبني فينا الانهدم
ياسيدي ماكان العشم
كل الحنين يصبح عدم
ذيد في جفاك
عذرك معاك
ماكنت فاكرك يوم تجور
بهواك يابدر البدور
تدي تملي حياتي نور
وتنشر ايامنا السرور
مظني يوم اعشق سواك
عذرك معاك
مستني ترجع تعتذر
وتبرر اسباب السفر
مالبينا اقوى من القدر
تشملني بى عطف وحنين
وافديك بى الروح والعمر
عذرك معاك
ياسيدي قبال تعتذر
12\9 2006م
بستشيرك
بستشيرك
قبل اشيل قلبي واجيلك
قبل ابحر في غرامك
والهوى اعصف شراعي
ابقى تايه في مدارك
وماني دار ك
وين مذارك
لا البحر يوصلني دارك
والهموم توصل تتدارك
وابقى في حبك مشارك
بستشيرك
قبل ماتبدى الحكايه
قبل اصارحك بى هوايه
تبقي لي احرف غنايا
تبقي غايا
ونجم ساطع في سمايا
الهمني احساس الكتابه
يعلم الطفله القرايه
انجرح في لحظه منك
وين افتش عن دوايا
الدم يتساقط مرايا
الشدر مخدر عودو
يبقى محتاج لى سقايا
وبرضو اعرف
انو في قلبك سوايا
بستشيرك
قبل ماغرق في حبك
والعيون تتمنى قربك
فلبي مايخطيهو دربك
وابقى فاكر
انو قلبي ياهو قلبك
انو حزن الدنيا بعدك
تهدهد الحاني وتذغرد
لمه يصدق فينا وعدك
تنهدم جواي اماني
لمه اعرف انو مالك
غيري قلبك
بستشيرك
قولي ردك
قبل تنهار المشاعر وابقى
صدك ياهو ردك
قولي ردك 9\8\2004م
وهم القوافي
متمني .. مستني الفرج
القمره لوكان في السما
وفي الارض
ها ك ياحبل وهم القوافي
المنعرج
شيليها من غلب الغلابه
ومن عرق دقن الدراويش العرج
شيليها اوعك تنحرج
خليها تفرح وتبتهج
قوليها من شعري الحزين
تعدل قوافيه العوج
اسأل عن الفر السرق
رمل الطريق
وداهو وين؟
وعن الغول الشرب
موية البحر وداها وين ؟
من حصان ود النمير
شال السرج
اسأل عن الوطن الصبح منفى
دراويشاً تهج وترج
قوليها اوعك تنحرج
قوليها من شعري الحزين
خليها تفرح وتبتهج
..
قوليها عن اصل القصيد
احكيله عن قصة ملكنا
الساقنا في الاخر عبيد
متعنا بالخوف والالم
شبعنا في الجوع الشديد
فرحنا بى الهم والوهم
كان بيصدق في الكذب
كان بيخلف في الوعيد
شيليها من شعري الحزين
قوليها اوعك تنحرج
خليها تفرح تبتهج
اسأل واما ترجى الجواب
ارويله وريها الحصل
قليها بى لهجة عتاب
كيف الامل في لحظة خاب
ليه بنتفارق صحاب
حتى البحر سوالو باب
الشمس غطاها الضباب
الحرقة صبحت لينا زاد
الفرحه في حالة غياب
الضلمه مسكن لى الضعيف
الخوف سكن في كل باب
الغول شرب موية المطر
كيف نزرع الارض اليباب
اسأل وماترجى الجواب
قول ليها من شعري الحزين
خليها تفرح تبتهج
متمني مستني الفرج
حجيها بى القصص الزمان
قصة جّرب ضنب الجمل
جاري ويجرب كان يطير
يسكن مداين في السحاب
وقصة جراب رجب
اجرف خير البوادي
وفتح شبابيك لى الذئاب
سجن الطيور
حتى الصقير صابر يصاقر
في الغراب
يشرب من المرّ يرتوي
ياكل من الصمت العزاب
قول ليها اوعك تنحرج
شيليها من شعري الحزين
خليها تفرح وتبتهج
مظلومه زينا ياخلق
مجدوعه في نص السماء
يارب اديها الفرح
واهديها من الخير كتير
واديها من نورك وهج
17\6\2008م
مذكرات ادم
كنا برانا
ماف في العالم حد سوانا
كانت حوه تغني تغني
اردد موج النيل الحانا
لا صاروخ في العلم دوّة
لازلزال في مره غِشانا
نبني اطيان وقصور حريه
نسقي زهور من وديانا
لاتفاح من ايدنا مرقنا
لا ابليس لي السي ودانا
لاتخاصمنا لاتباعدنا
والجمعنا حنين جوانا
نسقي الورد محل ماينبت
صوت البلبل ذي أنغام
منظوم الحانا
كنا بنرسم فى المستقبل
فى لوحات زاهيات الوانا
كنا بنحلم وما همانا
كنا نغنى وما همانا
وكان الورد اغنى معانا
ولمن نبعد اترجانا
ومهما نبعد ما بينسانا
ونبحر فى احلامنا الواعدة
فى المستقبل
فى اجيال بالخير تطرانا
الا الصورة انقلبت مره
جبنا عيال للعالم مرقت
سرقت وحرقت كل ملامح كونا
صبرنا صبرنا فتر الصبر الفينا
تبعثر فى تكوينا
سال الدم فى الارض الطاهرة
انياب وذئاب حادات اسنانا
تاكل ذاتة بذات شيطانة
بذات الذات الما انسانة
وين النسمة الكان تنعشنا
وريح الدم فى كل مكانا
***
كانت حوة بتجزم وتقسم
ديل جنيات من روح شيطانة
بدلوا كل ملامح كونا
وصبح العالم فى ذنذانة
وين الغيم الضامى سمانا
وين النسمة الكان تنعشنا
وريح الدم فى كل مكانا
***
بقينا برااانا
ضلمة وكتمة.....حر وسخانة
****
كانت حوة بتسعل وتسأل
فى التاريخ مبنلقى مكانة؟؟؟!!!
التاريخ لي وين ودانا؟؟
صبح العالم بؤرة قسوة
وين الريد الكان جوانا؟؟
علة بليس فى العلم كشر
يوعد بايام جايانا
فيها مرارة العالم كلو
فيها مداين خوف وبلآنا
***
قبل نسافر
حوة تلوح بى ايدينا
أآجنيات الحرب انسوها
ازرعو شدرة قصاد الدانة
لسة الدنيا كبيرة وواسعه
ارسمو فرحة على حيطانة
خلوالنسمة تعود من تانى
اشتلو حب فى كل مكانة
خلو صدوركم واسعه ورحبة
نحن وجعكم جد اضنانا
****
بقينا برانا أمل جوان
انو اضان الناس سامعانا
الاحوال للخير تتعدل
طفلة تشيل فى فى عيونا قصيدة
حروفة مالانا
عبير ذكرانا
ها طيبه
امحسي الدمع البسورب
وبيني الروح الرضية
قنعي التوب استجمي
وحسي بي روحك شويه
تبنى الفرح المكدس
بعثري الهم والاسية
فشى اورام المظنه ....
من مظناتن بريه.....
من خساستن بريه....
نيخى جملك وانزلى
كسري الهودج بتاعك ....
وهملى
ماتَهَملى...
ليه اقولو عليك بغيه
ها ضحكة الروح النقيه
من مظناتن بريه
عشه...
عشه شيلي شمات وجوهن
المعفن بالوشية
....
امسحى الدمع التصبب
قبل غيرنا يشد ويركب
نحن عارفنك رضية
الرسول مظنو يغضب
كنو...
كنو عارف ..
كنو عارف يابنيه
انو اعماقك نديه
وكم نقيه ..وكم...شجيه ....
مهما استباحك اابا لهب
مهما شوه من ملامحك
لسه جواك نبته حيه
يانعه مخدره ونديه
ها نبيه
نحن في دربك سربنا
ماهربنا
مانسيناها الوصيه
خلى في قلبك اكيده
نحن عارفين المكيدة
نحن حاسين الاسيه
.......
مابنفرط في عرضنا
للكلاب الارذقيه
نحن ناسك يابنية
خلى بالك من ظنونك
من مظناتن بريه
.....
امسحي الدمع البسورب
وبينى الروح الرضيه
ماتنسي جملك للهوامل
والصعاليك الرديه ..
خلي في نص السعيه
خلي يشرب من عرقنا
ومن خمور الجاهليه
بكره يتنفس غنانا ....
ويلعن الروح الدنيه
...
انت ماشبه المظنه
وانت ما شبه الوشيه
من مظناتن بريه ...
هااااااااااااااااااااانبيه ؟
27\11\2008م
نهاية ريد
بهواك مافي الريده شئ
بس ردي لي واتحدثي
ورينى ليه رافضه الغرام..
رافضه الكلام...اتونسي
انا قلبي جد اهديتو ليك
خليهو جواك احرسي
اتحسسي...و.اتلمسي
مابين ضلوعك اغرسي
... يارايعه ذي عزب القصيد
ليه من غناي تدسدسي
انا ريدي ليك..
لابنتهي .....لابنمحي ولابتنسي
يبقى مرجع لى الغرام
والليالي بتكتبو
...
تلقيهو مهما تعزبي ,
ارجع سريع لمن عليهو تقربي
بى حنانك حسسي
في جوه جواك احبسي
لحظة صفاك اتنفسي
بى قساوتك وجفوتك ماتجرسي
الحب جنون لمن يكون
لى زول عزيز مابتنسي
الحب مشاوير تتمشي
انا بشكي ليك مر البعاد
بس قلبي لمين يشتكي
يا واسعه..
ياواسعه زي ارض الوطن
باحبي جد اتمسكي
خلي في صدرك دوام
ماتتركي
شان يبوح ليك بلغرام
ماتربكي
بهواك ومافي الريده شي
ليه من هواي بتختشي
وبيناتنا مشوار يتمشي
قلبي ينبض بالحزن
في دواخلك خششي
شان ابقى فرحان منتشي
....يافاهمه
يالفاهمه كل القلتو ليك
ليه من هوايه تبدلي
قلبي الحنون بتبهدلي ؟؟
كسراني شان تتدللي !!!!
متمني يوم لو تعدلي
وانصفني قلبك بالغرام
وبى حروف اشعاري فيك
تتجملي ................
يا وافيه
ياوافيه ذي لغة الكتاب
ليه قاصدة قلبي تعزبى
لاعايزة مره تجربي
لامن هواك تقربي
بهواك بى طول الزمان
فيني تمحي وتكتبي
اشرب مرار حزنك افوت
تتقربي
ارجع اعود تتهربي
يا يانعه ....
يا يانعه زي زهر الربيع
ونداوت الغصن البديع
ليه القى في حبك كدى
القى العزاب
القى الشقى
فاكر عيونك نجمتين
ارجاها بى طول المدى
قايلك زهور ضامي الندى
......
لكن هواي ليك اندثر
كل الكلام القلتو ليك اصبح ثدى
قلبي الكان مدمن جروح
لى بعادك اهتدى
انا كنت جد فاكرك ملاذ
نسمه بتفوح متجدده
عمري مافكرة يوم
انو
النهايه
تكون كدى 11\3\2009م
نغم ....عاشق
ياني نفس النفسو يسكن
جوه في نفسك
ويتنفس مع نفسك
انافس فيك نجم الليل
ويظل ساهر
احسك حس نغم جواي
ادندن بي جمال حنك
مصير مجهول
تايه وما عارف الوصول
في سكه ماجربتها
ذي قصه منسابة ففصول
ماحصل فسرتها
لي وين خطاي مع الزمن
وأحرف غناي بعثرتها
لا قادرا ارجع لا أفوت
ياريت
ياريت خطاي رجعتها
شايل على كتفي الهموم
أقداري ماغيرتها
سافرته في مرمى القدر
وهوادج أرحال العمر
كل الدروب جربتها
صابر على حزني العلي
وأحزان سنين عاصرتها
لاقادر أوصل للامان
لاكان خطاي رتبتها
لوما لأمل ألقى الفرح
وارسم مداين قوس قزح
اناكان خطاي رجعتها
تايه وماعارف الوصول
في سكه ماجربتها
28\6\2008م
(لقد تمت كتابه القصيدة في تخرج طلاب الدفعه 29 كلية الموسيقى والدراما.. وهم يتسالؤن عما يفعلو بعد التخرج.. وهنا يكمن السؤال الصعب؟؟ ماذا افعل .؟
اهديه لزملاء( احمد ادم _ محمد.بلحه _ومهدي.)
غرام.... فا ني
نساني ..... انسانس
قاليه انساني
قاليه حب غيري
وانا كيف احب تاني
قاليه انساني
****
كانت ليالي وهم
عشناها ريد ونغم
فاكر غرامو بدوم
لكني وحداني
قليه انساني
***
ا هديتو كل الريد
سافر وسابني وحيد
ايامي كانت عيد
لكنو جافاني
قاليه انساني
***
عينيهو جارت بي
الياما غالية علي
لمن تغيب عني
تتزايد أحزاني
قاليه انساني
***
نساني انساني
بي شوقو أضناني
هجرني واستنكر
قلبو الكان داني
لابد انساهو..
ما دام هو ناكر الريد
واصبح غرام فاني
نساني .... انساني
14\10\2008م
انا اخترتك
شفتك صدفه وصدفه غريبه
انا اخترتك ليه حبيبه
رغم الحاجز بيني وابينك
انا حسيتك مني قريبه
عايز ابوح بى الشوق القاتل
عشته سنين ايامو عصيبه
برسم صورتك في وجداني
شوفتك منيه ومنيه صعيبه
كم بشرني الشوق بقدومك
وتاكدة بانو قريبه
صدفه غريبه
بديمه بشوفك في احلامي
في اشعاري وهمس كلامي
انادي عليك جواي في ذاتي
اسمع صوتك انت مجيبه
صدفه غريبه
رغم الحاجذ بيني وبينك
انا اخترتك ليه حبيبه
5\11\2008م
ريدك جبر
ريدك مركب في القلب
عنصر محايد في الغرام
خليني في جدول ضرب
دليني لو تحت الجذر
وحداني اعذف في الوتر
متواليه في صد الغرام
منتهيه في مد البصر
منتميه دايماً للخصام
مصفوفه ناس شانك كتر
ريدك يوجع في الضلوع
ضلعي المقوم انكسر
جامع عشانك اغنيات
يا احلى من كل البشر
طارح عيك قلبي الوفي
كل المجاميع ماتفي
واقبل النوم بى الجبر
احصي النجوم الضاويه ليل
متكامله بتشاكو السهر
متوازيا فيني الأغنيات
مافيش تفاضل في القلوب
احسن حسابك بى السطر
في كل زاويه بشوف عينيك
لكن هواي بى النسبه ليك
اصبح صفر
اصلو الفرح قسمه ونصيب
ومقسوم علي طول السهر 5\11\2008م
مسدار
الباب البجيب الريح اوعك تقيف قدامو
معروف البحر ياهو البشيل عوامو
الزول القصير ماتستمع لى كلامو
مساك الدروب يصعب عليهو مرامو
سواي القلوب ماببتهج بى غرامو
ما بفيد الصقير فرفيرو قبل اعدمو
والخيل التزيد بطريبه مابتلى الشكر
يلقى الشكر لجامو
الشوف بى القليب
والزول الكفيف مابشوف مكان اقدامو
حفار الحفر ايلقاها تحت اقدامو
ماتعيب الفقير هاديهو زيد اكرامو
ما الزول الكريم يبقو الملوك خدامو
الجار القريب جود بالمحنه وزورو
شاركو المحن قبال تشاركو سرورو
معروف الزمن غلاب كتير مقالب
المحجوم اكيد كم خش جوه زرايب
ملدوغ الدبيب انشاف حبال في عينو
تبقى دبايب
19\3\2004م
زي ما انا
كم ..كم ..وكم قبلك بكّن
كم واحده قبلك عافِصه
بى رجلي كم من رافِسه
كم واحده متلِك دارسه
وكم واحده ذيك فارسه
فاكراني ممكن اعرِسَه
ما تطيري لي فوق الصحن
من بعدي كم متجرسه
ما اصلي ود بياع كلام
لافبو ضرايب لاذكى
لا قلبي من واحده اشتكى
بى كلمه واحده بدشدشه
اخرب السستم بتاعه واربشه
لو تلقى حيطه تدقشه
لو تلقى عقرب تهبشه
فاكراني ايه؟
اتكلمي.. وله بس متردده
مايغرك المنظر بتاعي وتضحكي
انا دنجوان هذا الزمن
كم من بكن
خلفي وجرن
لامن حفن واتعترن
وادات كمان اتجنن
حتى النجيمات هضلمن
لمن انط بلقى النجوم
اتبرجن
الواحده تشهق شهقتين
لامن اخاف في يوم علي اتلبن
..
فاكراني ايه
اتكلمي
وله بس متردده
وله ماك مصدقه
انا ود كدا..
اسهم هواي في عيونك ممكن اسددة
والنظره فبك اجدده
انا ود مفتح من زمان
جايك ناذل تلبت
جايك عايزك تعرفي
انا بى وصولك بحتفي
انا في عيونك بختفي
هاك من هواي واغرفي
كل القلوب مرضان بى قولة انا
شيلي ريدك واسعفي
لس الامل
ممكن قلوب
لى الريد
تفي
4\1\2007م
سمرة
بساهر اليل مع القمرة
انغم في عيون سمرة
اجادل في رموشه وطن
تضيع احزاني بى المرة
تصابح عيني احلى صباح
بتشفي انين قليبى الناح
اعود كل الحنين الراح
تزول اللامي بى المره
تصافح ايدي ااحلى يدين
اشوفه وقلبي انسره
تعود احلامي من تاني
ارفرف ريدي واللحاني
وقول من تاني وجداني
احبك انت ياسمره
حروف جواي تتغنى
نجوم في الافق تتمنى
تكون عينيك وتتهنى
وبين شفتيك تنشره
وتساهر الليل مع القمرة
7\1\2007م
عرفته السر
... شنو الخلى القمر يرحل
يسافر في مراسي الغيم
لاقادر اسيب غنواك
ولا لي جنتك يوصل
عرفته السر
شنو الخلى البحر يزعل
افيض موجوا
أنادي عليك ويتوسل
يذيع شعري
يقفى في قوافي غناك
ويتعدل
عرفته السر
وكت صوتك سكني وطن
وتاه صوت الغنى البسأل
وكت شمس الأمل شرقت
تعاين ليك وتتأمل
عرفته السر
لأنك انت
مجد الكون
وآخر
من رسول
ينزل
5\6\2005م
طيفك
صحيح طيفك ملاذمني
وصورتك لسه في عيوني
قبل ماتفوتي بشتاق ليك
محل ماتكوني تلقيني
بعيد صوتك اناديني
عبيرك لسه في ايدي
بينفحني ويفرحني
ولا عنك بيغنيني
ولا زيك بيسعدني
صحيح طيفك ملا ذمني
ولا منك بيكفيني ..
ولا منك بيرويني ..
دوام راجيك ومتمنيك
بين ايديك تشيليني
وتضميني....
وتتنهد عيوني بكاك..
قبل عينيك يبكوني
صحيح طيفك ملاذمني
وصورتك لسه في عيوني
11/6/2008
عرض مسرحي
بين نجمتين كانت هناك
كانت هناك بين نجمتين
صدحت ولا وجهه القمر
مرقت
تجرجر في مجرات النجوم
شالت
من ا لشمس الشعاع
هدّت نهيف موج البحر
عكست على مويتو الوميض
كتبت
على رملو التواريخ المعتقة
بى الاسف
نفت البطولات الزمان متوهمه
كسرة يقين الانبياء
هتفت وكت زارنا الخدر
لبست عيون الناس وشاح
في اللا مكان واللازمان
حبست
نفس خيل القصايد
سكتت مع نفسو الحرو ف
رفضت وجود الاآلهه
اتحررت
واختارت الحريه قيد
واتقيدت
في اللاقيود واللا حدود
واللامكان واللا وجود
بين نجمتين كانت هنلك
كانت هناك بين نجمتين
مربوطه بى خيت في السماء
واختارت الحريه قيد
... والعرض لسع مابداء
الصالة مزحومه وضجيج
لس مانفتحت ستاره
لس مكتمله الاناره
ولسه ماوردت اشاره
العيون مترغبه
لس ما تعرفت شخوص المسرحيه
ولسه نور الصاله والع
كانت هناك في كلمتين
في كلمتين كانت هناك
شقت صفوف الحاضرين
هزت اوصال المقاعد
وادت القلب اليقين
جاها اليقين وتيقنت
واتاكدة حريه (ماف)
كل الكلام الكان بيتقال عنها
وهم عقول صابه الفشل
فشلت كتير حتى الفشل ماليهو حل
بين مشهدين كانت هناك
كانت هناك بين مشهدين
لس مانفحت ستاره
لس مكتمله الاناره
اتاكدة انو الحياه
بيبان سجون
والحريه بس في انو تختار السجن
مع انو في الحالتين سجين
ليه الشعارات المطرذه بى الفراغ
والعرض في اخر فصل
كل زول كان ليهو دور
والناس بتتصارع على الدور
(الكبير)
مع انو في الحالتين سوه
من غيروكيف يبقالنا عرض
....
كانت هناك العرض خلص وانهى
مع انو مانفتحت ستاره
ولس مكتمله الاناره
ولس ماوردت اشاره
(الكان مخرج منو ؟؟)
29\8\2009م
بتذكرك
بتذكرك
رغم العناد والابتعاد بتذكرك
في كل مواقيت الصلاء
وفي كل سكه تقربك
لو سبتي أشعاري وغناي
جواك إحساس شوق وريد
حا يجبرك
كيف تنسي قلبي المستكين
الياما رادك وقدرك
بتذكرك
وكت الحروف تنساق نغم
وكت القوافي بتندهك
واهتز لي شوقي القلم
لاتاه غناك لا ودرك
وكت المرايه بتعكسك
قدامه أكون واقف أنا
الصورة تهتز ترتبك
في كل نفس بتنفسو
وفي شوق ماحصلك
لو القدر قدر بعادك وأبعدك
لابد وحتما أوصلك
والقاكي في نص الطريق
سايقنا إحساس مشترك
جد فاكره إني ببيع هواك
أو قلبي ينسى وينكرك
ما انت يا نبض الحنان
جواهو كيفن يجهلك
وبقيتي في مجرى الوريد
ليه الظنون تتملكك
بتزكرك في حاجه عرفتها
وفي كلمه كتبتها
بتزكرك
في لوحه رسمتها
وفي كل عباره نطقتها
بتزكرك
في قصيده نظمتها
وفي دمعه زرفتها
رغماً غنادك بشكرك
رغماً بعادك بشكرك
رغماً عيوني بتسهرك
انا بعزرك
على كل احساس اترسم
انا بشكرك
على كل شوق انساق نغم
انا بشكرك
وين تلقي لى حزنك شريك
مين غيري اصلاً بشبهك
اكتر من الحصا والرمال
انا بشكرك
اكتر من الشنا والجمال
انا بعزرك
من ياتو باب
طلت طلت ظنون
كسرة يقينك ومنيتك
انا بعزرك
مهما الدروب تاهت بعيد
حتما تعود
في سكه لي بتوصلك
كيف ينكسر كاس المودة
وتنكري الشوق والحنين
دى قوافي شعرك تفضحك
وتوضح الشوق الجواك
كيف امسى فيك ويصبحك
قلبي الحنين مابهجرك
عاشك سنين كيف يجهلك
فاكره ممكن ابيع هواك
او مره ينسى وينكرك
مهما الحزن خسف الحنان
الضاوي في جواك سنين
وقفل ابواب اشتهاك
من أي باب أنا بدخلك
كيف تنسي احساس احتواك
وعني دايماً بسالك
ياملهمة شعري افواصل والنقط
ماظن حروفي بتخذلك
ماهي القبيل
طرزت نجوم الليل وشاح
ونذلت عليك تجملك
ماهي القبيل شالت
من الليل السواد
شان من سوادو تكحلك
شالت من الشمس الشعاع
شان من ضياها تدللك
رغم العناد والابتعاد
أنا بعذرك
رغم التوافق والتضاد
انابعزرك
رغم التناغم والحياد
انا بعذرك
رغم الوضوح الفي الفؤاد
انا بعذرك
انا قبلي مايحين التلاقي
وقبل ما اعرف ميعاد
انا بوصلك
من غير وجودك في حداي
بتحسسك
اكتر من الشي الفي جواي
انا بعرفك
ومهما يطول الشوق معاي
بتنفسك
مبكون هواك يوم لى سواي
ماف غيري اصلا بشبهك
لو تنفي ريدك لى غناي
جوه المسام أنا بزرعك
مهما حصدة من الألم
انا بعذرك
بتذكرك لن أحاول أنسى
شان أتذكرك
ليه الخصام
وتشك في الريد النبت جواك وقام
وف القليب البيك هام
مفتكره انو بيكرهك
كيف اكرهه القلب البريد
لو اتخلق جواهو ريد
واتنفس الاحساس قصيد
وفي دواخلو مصورك
مهما البعاد لاذم مدارك
بدركك
ومهما العناد كان اختيارك
بعذرك
جد فاكرة اني ببيع هواك
او قلبي ينسى وينكرك
مانت يانبض الحنان جواهو
كيفن يجهلك
على كل حال انا بشكرك
على أي حال انا بعذ
6\9\2009م
احزان قوس قزح
الله الخلق الجبل العالي
وخلقك
وزاد من طيبك وعندك واللقك
قادر اهون لي نسيانك
زي ماحفرك فيني وزرعك
وزي ماجعلك ملكة شعري
اِبعدك عني وفي اوجاع
العالم يضعك
وعداً مني والله الشاهد
والعنين الفيني تناهد
مهما فاق الاّلم اتذايد
ومهما عصفت ريح الفرقه
شمعت امل اللقياء الزايد
قسماً انسى
انسى القلب الكان مجنونك
اذا ماحنّّ وناوي يعاود
انسى العشق الودر صاحبو
ولسع قايد
وامسح اسمك من اوراق الزكرى
الفي جواي بتعاود
...
الله الخلقك
وذاد من اللقك
اودع فيني يقين الفرقه
وشالك من اعماقي ومرقك
عرفته معاك قانون اللعبه
لاني براي الكاشف ورقك
اتوهمت زمان في ظني
يوم توجتك انت الملكه
لأني قبيل ماعارف قدرك
وهسع قدرك تبقي يتيمه
وكيف المهرب انكان قدرك
انا ساكحته القلم البكتب عنك
انزف ائينمدهوش بى حسنك
ورسمك
....
قادر الله الخلقك وطلقك
اطلق قيد الشعر العبدك
وابدع فيك قوافي وخدعك
الله الخلقك انت براك
والناس متساويه
قادر اهين أّ حلوة عرورك
اهون لي الفرقه الكاويه
...
فاكرك موجه بتروي الظامي
عله لقيتك جافهوخاويه
....
قسماً انسى
انسى اوهام خدعتني
بزيفك
فيها اعانق حسنك وطيفك
اظل عطشان مستني خريفك
تلفحني سموم من حرك وصيفك
قسماً انسى
انسى الشعرالياما اترتب واتمناك
وياما سبتو مداين شوقو وسناك
قسماً انسى
انسى الليل اليك سهرتو
يوم ما قلبك خان وعزرتو
فضلت ااّ سي الليل وقليبي
وكم حاولت النوم وجبرتو
قسماً انسى
بنسى السكه الفيها مشينا
زرعنا غنانا واتمنينا
حصدته معاك الهم واللوعه
زرفت دموع ملتاعه سخينه
...
الله الخلقك انت تجوري
قادر
اجود في حالي وانسى
رغم هواك الساكن لسه
هسه اقول دي نهاية القصه
قصة زول بحاول ينسى
ينسى عيون خداعه بتقسى
ونسى جروح ماطابت لسه
ونسى حروف اتقالت هسه
قسماً انسى ..
وحتماً انسى
مهما طال الليل في روّعو
ونو بقيت لى حزنو المرسى
الله يصبر قلبي الرادك
والله عليم معليهو مدسه
قادر اقلق نومك
وسلب منك راحت البال
قادر اطول يومك وتحسبي
في ساعات الليل الطال
انا ظنيت انو الفرقه البينا
محال
لو اتغير مجرى النيل
ولو اتهدت فينا جبال
....
قسماً انسىملامح وجهك
وكل كلام بيناتنا اتقال
فيك خسارة الشعر الشاع باسمك
وزاد من حسنك
والاهداك من طيبو جمال
....
حتماَ اشيلو قلبي العندك
ويصبح فوق الهوى رحال
لو ازرف دم
واتماسى الهّم
بس
في السكه اليك بتودي
امشيها محال
الله الخلقك
وخلق الناس من طينة حوة
وحوة اتخلقت ضلعه يتيمه
قادر اهوّنْ حزن العشقك
قادر يطين ازيد من وجعك
....
انعل وجع الزمن الحافي
وماشي ورآك
واللعّن حال القلب الفاض
بي هواك
واللعن شيطان الشعر
الشد رحيلو وجاك
...
ضلعة ادم لسع حيه
لسع خصبه لسع طيبه
ماك براك في السما مرفوعه
اللف نجيمه بتعلو سماك
الله الخلقك قمراً ضاوي
قادر يخلقك اللف سواك
ماتتباهي كنير بى حسنك
د شعري انا السواك ملاك
انا الاوجتك جوه الناس
واتمنيت اسكن جواك
وفي جواك ملقيت الضوّ
كتمه وضلمه
د انا السويت الريد شباك
انت خلقتي الكي في قلبي
اخلف ربي علي انساك
الله رحيم بعبادو وخلقو
الله عظيم من نار سواك
الله الخلق الجبل العالي
وخلقك
وزاد من اللقك
أ
اودع فيني يقين الفرقه
وشالك من اعماقي ومرقك
عرفته خلاص قانون العبه
لاني براي الكاشف ورقك
26\8\2009م
ماتفتكر
ماتفتكر بعد الحصل
انا ممكن اتقبل عذر
بعد انجرح خاطر غناي
واتخلل الشوك الزهر
ماتعتزر
على ايه بعد قلبي انشطر
واصبح يقين قربك محال
لو جفت اوراق الشجر
لو عانق النيل النجوم
او ساب مدارتو القمر
ماتعتزر
انا كنت شايلاك امنياتى
اغنياتي ولحّن
مابان في وتر
انا كنت حافظاك في جواي
داخراك لى اخر العمر
ولقيت مصباتك خداع
وسحابه خاويه من المطر
ماظن يحن قلبي ويلين
لوفارق الموج البحر
ماتفتكر بعد الحصل
انا ممكن اتقبل عزر
14\11\2009م
صحوة
بسم الله قول الشعب فاق
من نومو طال عشرين سنه
عرف الحقيقه من الخيال
عرف الفرق بين
الخيار والاختيار
بين التجمّل والجمال
وبين الصدق والاحتيال
لبس العفاف توب النضال
واصبح محال
فيوم امد ايدو الفقر
او يوم تصد صوتو الجبال
بسم الله قول
ليل الكوابيس انتهى
اصبح صباح فجر جديد
صبحاً اكان يوم مشتهى
عدي فات زمن الشتات
عصر الظلام
وزمن الليالي المعتمه
وصبحاً فضح زيف العيون
المعتمه
كسر متاريس
القوافي المبهمه
زاح اللجام البو شفاهو ملجمه
بسم الله قول
فتحت قلوبنا مع الصباح
صبحت دروبنا ممهدة
احذريني
إن عشقتك يا فتاة
أنا ليس من يقف علي باب النساء
يكتب علي جدرانها كلمات شعر
او ثناء
وبعد ذلك رقم هاتفه وميعاد اللقاء
هيا ارحلي
إن شئت ان تبقي ..فابقي
إنما الأمر سواء
احذريني كل حين
حين أهواك سأهواك بلا فعلٍ
بلا لونٍ بلا تكوين
لان القلب قد نسيت مداينه
وقد سرقت خذاينه
هجرت أميرة قصيدتها وماذالت
ضفيرتها علي برواز لوحتها
بلا تلوين
هل تستطيعي ان تعيدي الرشد للقلب الحزين
انا ليس من يهوى النساء
ليقطف من حديقتهن الزهور
وليرتشف من بين شفاههن بعض الرحيق
ويبني بين نهديهن قصور
انت كتربة خصبه
انا ليس من يرمي البزور
انت ليس بنحلة تعلو وخلفها ملاّيّن الذكور
احذريني قبل قلبك يحتويني
اعذريني لست في هذا غرورا
ان ليلي ليس انت
وانت ليس بليلتي
هيا ارحلي ان شئت ان تبقي
فابقي واحدا شتي الأمور
هل رايت الليل يكسوه الظلام
والشمس أخفاها الغمام
هكذا يعني الغرام
قد عشقت اللف مرتًٍ
وقد ذبحت اللف مرتٍ
وقد حرقت واحترقت اللف مرتٍ
وقد نسيتُ اللف عام
ولم يبقي من بين اكوام الرماد
سوا الحطام
وقولي لربِ السلام
اهكذا يعني الغرام ..؟؟
هيا ارحلي
ان شئت ان تبقي فابقي
ليس في الأمرين سأم
انا ليس من يهوى النساء
لأرتوي مر العزاب
أصير مجنوناً وأسرف في الشراب
وسجايري لا تنطقي يسهو خاطري
ويحرق أصبعي بنار الثقاب
فأن المحبة وهم كبير خداع وزيف
ماء سراب
لذا ارحلي فان شئتي ان تبقي فابقي
انا من عليه الذهاب
30\6\2008م
كما الأنبياء
ندهتُ إليك أجاب ألصدي
صددتُ المعاني واعلنت اني
عشقتُ امراه
لقد شاع شعري فهل يشترى
وما معنى عشقي اذا كان عشقي لكل امرأة
وما معنى شعري اذا كان شعري
يروح سدى
احبك دوماً
فهل من ورودٍ تعادي الندى
احبك حباً يفوق الخيال
برؤياكِ يلثم قلبي نجم السماء
فأنت التي خلقتي لشعري
وجئتي كما الأنبياء
صمت ُ كثيراّ
لقد كان صمتي كثير الثناء
ما معنى قولي اذ كان قولي
عليك رثاء
فهل انام؟ !
فهل انام بلا ترداد اسمك تسع وتسعون مرة
وان تبعدي
وياتي الشفاء
هذا محال بحق السماء
لن اكلم صدرك خاطف كل القلوب
ولا شعرك ثاير كل الحروب
اكلم فيك الّه تخفى بعين المهى
لا في عقول خواء
بك ابتدا القصيدة باسمك انت ابدا الصلاء
اسبح باسمك حتى الصباح
فادعوك انت اجيبي النداء
سلمت امري اليك
فاختاري لي اما الحياة واما الرداء
اموت شهيداً بجناتِ قلبك اكون غدا
ولست مبالٍ بنارٍ تكونِِِِِِِِِ ِِ بها
فانت التي من سجدت لها
بكل خشوع وكل هدى
احبك حباً يفوق المدى
احبك حباً يرد الصدى
احبك حباً يعيد الحياة كما المبتدى
7|7|2007م
مسدار
لافف في البلود المولع سوقا
اناضم في الصخور ناس اتلحس طايوقا
شايل في ايديتي حقيبه ماهاميني شي
فايق وضارب روقا
خففت الخطى اوصل مكان حافلاتي
قبل الليل يجي وتتاخر معاهو حياتي
بالصدفه مرت بنيه جميلة
عاصر لشمال متعمد اسدو طريقا
عينيها البحور يالليل سمح تحديقا
شلعت في قلبي نار وفي الحساسي
قايده حريقا
ركبت جنبي نور لحظات صعب تصديقا
سبحان الاله الجابه ليه رفيقا
الناس الفي المقاعد شهقت وجف حلوقا
والعنين تقول طلعت مفارقه حقوقه
درته اقول كلام لكن خزلني لساني
ما اصلو التطفل ذاتو مان\من شاني
أَه كان شفت الجمال اوقامته الممشوقا
زي الصيدة الفي الزرع مطلوقا
اتساْبت من نعس العيون الفوقا
وتخشلعت من الفلجه البين السنون مدقوقا
نستني الدروس معرفتة
الفرق بين البطل والجوقا
اتلعسمت واتصلبت كل اجزاي
بقت محروقا
كان الحواجب ملتقى النيلين
وذي مطراً يضوي بروقا
ملاك جابو الاله والشهد جوة عروقا
النهدين جابل نزلن جناين فوقا
نزلت نزلته وراها
ماخليته تبعد والعيون بارياها
اه من الضمير منو الدرووب فروقا
ده الخلاني اخمج مياه مدفوقا
الناس عني تغمز
ماهاماني زول اللهم اوصل ليها
لو بعدين اموت انشاءالله
اشوف عنيها
ركبت ليها ركشة وعم الحزن بعديها
وفضلت انا ليها ادعي
يا رب من عين الحسود احميها
من برد الشتاء ومن السموم ضاريها
17|11|2006م
اجمل قصيدة
ساره ياجمل قصيدة
ممذوجه بالحب والخواطر
بسمه من شفتيك حلوة
ترجع الفرح المسافر
انت وردة فل جميلة
وكلمة حلوة وخد ساحر
انت زغرودة فرح
تدي لى الناس البشاير
ياحلوة ماتشيلي ابتسامتك
ده الفرح لى قلبي هاجر
انت دنياي بيك بحلم
قلبي ثقرك ليهو اسر
انت ياكل النجيمات البضون
واحلى من كل المناظر
يالله ياشمسي وحياتي
نزلي الطل في الضفاير
غني للقمري البقوقي
وهلى ضي لى شمس باكر
علمي الاطفال تغني
وانثي كل مجروح وساهر
طيبي الجرح البينزف
وابقي لناس المعابر
سارة ياكل النجيمات البضون
واحلى
من كل امناظر
14|5|2006م
تحيه لامي الحبيبه
سلام وتحيه من قلبي
وحوف فواحه تتسطر
سلام ياوالدة اللف سلام
ومشتاقين ,, وبى الاكتر
سلام يا فرحة الايام
سلام غناهو اللف وتر
سلام بالكوم بريح المسك
والعنبر
كل احلامي اني اجيك
وفي احضانك اتحكر
وتدعي ليه متنضر
ولا دربك تشيبو حفر
ولا تتلام ولا بالعتبه تتعفر
انا ازازيت بعيد عنك
اباصر في الدروب واحلم
ودايماً حلمي فيك اكبر
بدور اوصل
اعاهد نفسي بى ارضاك
لا عن طلبك اتاخر
اذا كان انجوم هى رضاك
اكيد لسماها حاوصل
ولاعنك بخل قلمي
وانت من الحروف اكبر
اذافضلت العمر اكتب
حروف فواحه بى محياك
وعن وصف الجما الفيك
اكيد يا امي ما بقدر
سلام يا امي الف سلام
سلام ياجنت الكوثر
سلام وزهور عطور ورود
وعود صندل
سلام سلام
سلام
27|3|2006م
امراة كاذبه
تناديني ... وتهمس لي
على أذني
تقابلني ... تغازلني
اذ اقبلت علي شي تجاريني
لقد قالت وقد كذبت بما قالت
تقول انها انثى
ولارجلاً سواي انا
له أأالت
هي امراةً اميرة في انوثته
» موقع خطير يوريك جواز سفرك
» الأستفسارات السريعة عن أكاديميات الطيران
» الدراسة في ماليزيا
» جدول مباريات كاس العالم
» نكات مضحكة
» مباريات كاس العالم على الانترنت
» مشاهدة مباريات كاس العالم اون لاين
» الامبراطور احمد الصادق ادمنت ريدك